នាយករដ្ឋមន្ត្រីសិង្ហបុរីលោក លីស៊ានឡុងនិងលោកជំទាវបានបញ្ចប់យ៉ាងល្អប្រសើរនៃដំណើរទស្សនកិច្ចជាផ្លូវការនៅវៀតណាម (រូបថត៖ TTXVN)
នារលៀលថ្ងៃទី២៤ ខែមិនា ឆ្នាំ២០១៧ នាយករដ្ឋមន្ត្រីសិង្ហបុរី លោក លីស៊ានឡុងនិង លោកជំទាវបានចាកចេញពីទីក្រុងហាណូយ បញ្ចប់យ៉ាងល្អប្រលើរនៃដំណើរទស្សនកិច្ចជាផ្លូវការ នៅវៀតណាម ចាប់តាំងពីថ្ងៃទី២១ ដល់២៤ ខែមិនា ឆ្នាំ២០១៧ តាមសេចក្ដីអញ្ជើញរបស់នាយករដ្ឋមន្ត្រី រដ្ឋាភិបាលលោក Nguyen Xuan Phuc។
មុននេះ នាព្រឹកថ្ងៃទី២៤ ខែមិនា ឆ្នាំ២០១៧ ប្រធានគណៈកម្មាធិការទីក្រុងហាណូយ លោក Nguyen Duc Chung បានជួបសន្ទនាជាមួយនាយករដ្ឋមន្ត្រីសិង្ហបុរី លោក លីស៊ានឡុងផងដែរ ។ នៅជំនួបនេះ ប្រធានគណៈកម្មាធិការទីក្រុងហាណូយ លោក Nguyen Duc Chung បានឲ្យដឹងថា នាពេលខាងមុខ ហាណូយ មានបំណងសហប្រតិបត្តិការ ជាមួយសិង្ហបុរីលើវិស័យដូចជា ផែនការមេ និងគ្រប់គ្រងទីក្រុង អភិវឌ្ឍន៍ដើមឈើកសាងទីក្រុងឆ្លាត បណ្ដុះបណ្ដាលធនធានមនុស្សជាដើម ។ ជាពេសេស ទីក្រុងមានបំណងសហប្រតិបត្តិការ ជាមួយសាលារដ្ឋបាលសាធារណៈ លីក្វាន់យូ ដើម្បីបញ្ជូនមន្ត្រីរបស់ទីក្រុងហាណូយទៅចូលរួមវគ្គបណ្ដុះបណ្ដាល អំពីការគ្រប់គ្រងរដ្ឋបាល ។
រីឯខ្លួនវិញ នាយករដ្ឋមន្ត្រីសិង្ហបុរីលោក លីស៊ានឡុងស្នើឲ្យអជ្ញាធរទីក្រុងហាណូយបន្តបង្កលក្ខណៈងាយស្រួលថែមទៀត ចំពោះអ្នកវិនិយោគសិង្ហបុរីមកបណ្ដាកទុននៅវៀតណាម។
នាថ្ងៃ២៤ ខែមិនា ដដែលនេះ នៅហាណូយ នាយករដ្ឋមន្ត្រីសិង្ហបុរីលោក លីស៊ានឡុង បានជួបសន្ទនាជាមួយលេខាគណៈកម្មាធិការបក្ស ខេត្ត Da Nang លោក Nguyen Xuan Anh ៕
តាម VOV5 - វិទ្យុសំឡេងវៀតណាម