ព័ត៌មាន
នាយករដ្ឋមន្ត្រីវៀតណាមលោក Nguyen Xuan Phuc អញ្ជើញចូលរួមពិធីបើកសន្និសីទកំពូលអាស៊ានលើកទី៣០
នាយករដ្ឋមន្ត្រីវៀតណាមលោក Nguyen Xuan Phuc អញ្ជើញចូលរួមពិធីបើកសន្និសីទកំពូលអាស៊ាន
លើកទី៣០ (រូបថតៈ Thống Nhất-TTXVN)
នាថ្ងៃទី២៩ ខែមេសា ឆ្នាំ២០១៧ សន្និសីទជាន់ខ្ពស់អាស៊ានលើកទី៣០ ក្រោមប្រធានបទ “រួមដៃគ្នាដើម្បីធ្វើការផ្លាស់ប្តូរថ្មី តភ្ជាប់ពិភពលោកទាំងមូល” បានប្រារព្ធជាផ្លូវការ នៅទីក្រុងមានីល ប្រទេសហ្វីលីពីន។នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc បានដឹកនាំគណៈប្រតិភូវៀតណាម ចូលរួមក្នុងព្រឹត្តិការណ៍នេះ។ អញ្ជើញថ្លែងមតិក្នុងពិធីបើក ប្រធានាធិបតីហ្វីលីពីន លោក Rogrigo Duterte បានអំពាវនាវ ឲ្យប្រទេសអាស៊ានទាំងអស់ គោរពឯករាជ្យ របស់ប្រទេសជាសមាជិកភាពអាស៊ាន និងអះអាងថា ទំនាក់ទំនងទាំងអស់ នឹងនាំមកលទ្ធផលល្អខណៈដែល ឈរលើការគោរពផលប្រយោជន៍ របស់គ្នាទៅវិញទៅមក។
ក្នុងសម័យប្រជុំពេញអង្គនាព្រឹកថ្ងៃទី២៩ ខែមេសា នាយករដ្ឋមន្ត្រីវៀតណាម លោក Nguyen Xuan Phuc និងថ្នាក់ដឹកនាំអាស៊ាននានា បានពិភាក្សាលើវិធានការជម្រុញខ្លាំងដំណើរការ កសាងសហគមន៍អាស៊ាន នាពេលខាងមុខ ព្រមទាំងចូលរួមរាល់កិច្ចប្រជុំរវាងថ្នាក់ដឹកនាំអាស៊ាន ជាមួយតំណាងក្រុមប្រឹក្សាអន្តរសភាអាស៊ាន (AIPA) និងតំណាងយុវជនអាស៊ានផងដែរ៕
តាម VOV5 - វិទ្យុសំឡេងវៀតណាម
