ព័ត៌មាន
នាយករដ្ឋមន្ត្រីលោក Nguyen Xuan Phuc អញ្ជើញទទួលជួបជាមួយរដ្ឋមន្ត្រីការបរទេសកូរ៉េខាងត្បូង
នាយករដ្ឋមន្ត្រី លោក Nguyen Xuan Phuc អញ្ជើញទទួលជួបជាមួយរដ្ឋមន្ត្រីការបរទេសកូរ៉េ ខាងត្បូង លោក Yun Byung-se ដែលកំពុងបំពេញទស្សនកិច្ចការងារ ជាផ្លូវការនៅវៀតណាម
នារសៀលថ្ងៃទី២០ ខែមិនា ឆ្នាំ២០១៧ នៅទីស្នាក់ការដ្ឋាភិបាល នាយករដ្ឋមន្ត្រី លោក Nguyen Xuan Phuc បានអញ្ជើញទទួលជួប ជាមួយរដ្ឋមន្ត្រីការបរទេសកូរ៉េខាងត្បូង លោក Yun Byung-se ដែលកំពុងបំពេញទស្សនកិច្ចការងារ ជាផ្លូវការនៅវៀតណាម។ នៅក្នុងជំនួបនេះ លោក Nguyen Xuan Phuc បានអះអាង ថារដ្ឋាភិបាល និងប្រជាជនវៀតណាម ជានិច្ចកាលផ្តោតការយកចិត្តទុកដាក់ក្នុងការបង្កើនទំនាក់ទំនង ដៃគូសហប្រតិបត្តិការយុទ្ធសាស្ត្រ ជាមួយកូរ៉េខាងត្បូង។ នាយករដ្ឋមន្ត្រី លោក Nguyen Xuan Phuc បានលើកច្បាស់ថា វៀតណាមស្វាគមន៍ និង ត្រៀមជាស្រេចរួមដំណើរ និងបង្កលក្ខណៈងាយស្រួលសម្រាប់សហគ្រាសបរទេស ក្នុងនោះមានកូរ៉េខាងត្បូង មកធ្វើការវិនិយោគប្រកបដោយប្រសិទ្ធភាពយូរអង្វែង នៅវៀតណាម។ ហើយវៀតណាមត្រៀមខ្លួនជាស្រេចរួមជាមួយភាគីកូរ៉េខាងត្បូង អនុវត្តប្រកបដោយជោគជ័យនូវកិច្ចព្រមព្រៀងពាណិជ្ជកម្មសេរីវៀតណាម-កូរ៉េខាងត្បូង រក្សាទំហំពាណិជ្ជកម្មឲ្យអភិវឌ្ឍន៍ស្ថិរភាព ខិតខំទទួលបានគោលដៅ៧០ពាន់លាន ដុល្លារអាមេរិកឬខ្ពស់ជាងគឺ១០០លានដុល្លារអាមេរិកនាឆ្នាំ២០២០។ រួមជាមួយគ្នា នោះ គឺបង្កើនកិច្ចសហប្រតិបត្តិការ ជួបប្រាស្រ័យវប្បធម៌អប់រំ និងទេសចរណ៍ ជាពិសេសបង្កើនការគាំទ្រគ្នាទៅវិញទៅមក លើបណ្តាវេទិកាតំបន់និងអន្តរជាតិ។
រីឯខ្លួនវិញ រដ្ឋមន្ត្រីការបរទេសកូរ៉េខាងត្បូង លោក Yun Byung-se បានជឿជាក់ថា វៀតណាមនឹងរៀបចំប្រកបដោយជោគជ័យឆ្នាំ APEC ២០១៧។ កូរ៉េខាងត្បូងរំពឹងទុកថា នឹងអភិវឌ្ឍន៍ខ្លាំងថែមទៀតទំនាក់ទំនងដៃគូយុទ្ធសាស្ត្រ ជាមួយវៀតណាម រួមចំណែកធានាសន្តិភាព ស្ថិរភាពក្នុងតំបន់៕
តាម VOV5 - វិទ្យុសំឡេងវៀតណាម