ព័ត៌មាន
នាយករដ្ឋមន្ត្រីលោក Nguyen Xuan Phuc ជួបសន្ទនាជាមួយអគ្គនាយកក្រុមហ៊ុន Hyundai Motor(កូរ៉េខាងត្បូង)
នាយករដ្ឋមន្ត្រីលោក Nguyen Xuan Phuc ជួបសន្ទនាជាមួយអគ្គនាយកក្រុមហ៊ុន Hyundai Motor(កូរ៉េខាងត្បូង)
នារសៀលថ្ងៃទី២០ ខែមេសា ឆ្នាំ២០១៧ នៅទីក្រុងហាណូយ នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc បានជួបសន្ទនា លោក S.K.Han អគ្គនាយកក្រុមហ៊ុន Hyundai Motor(កូរ៉េខាងត្បូង)ទទួលបន្ទុកវិស័យរថយន្តពាណិជ្ជកម្ម។ នៅទីនេះ នាយករដ្ឋមន្ត្រី លោក Nguyen Xuan Phuc បានសង្កត់ធ្ងន់ថា៖ Hyundai ជាសម្ព័ន្ធក្រុមហ៊ុនល្បីឈ្មោះនៅកូរ៉េខាងត្បូង និងទូទាំងពិភពលោក វាយតំលៃខ្ពស់កិច្ចសហប្រតិបត្តិការរវាង Hyundai ជាមួយក្រុមហ៊ុន Thaco របស់វៀតណាមដើម្បីផលិតរថយន្ត ដឹកជញ្ជូននិងឡានក្រុងនៅខេត្ត Quang Nam។
រីឯ លោក S.K.Han បានលើកច្បាស់ថា៖គំរោងការណ៍នេះ នឹងជួយឧបត្ថម្ភអភិវឌ្ឍន៍ផ្នែកឧស្សាហកម្ម ឧបត្ថម្ភ គ្រឿងបន្លាស់រថយន្ត ជួយឧបត្ថម្ភវៀតណាមនាំចេញរថយន្តចេញ ទៅបរទេសក្នុងអនាគត។ តាមរយៈកិច្ចសហប្រតិបត្តិការនេះ Hyundai នឹងរួមចំណែកចូលក្នុងការអភិវឌ្ឍន៍សេដ្ឋកិច្ច សង្គមរបស់វៀតណាម។
ក៏ក្នុងរសៀលថ្ងៃដដែល នៅទីក្រុងហាណូយ នាយករដ្ឋមន្ត្រី លោក Nguyen Xuan Phuc បានជួបសន្ទនាជាមួយរដ្ឋមន្ត្រីក្រសួងសាធារណៈ និងដឹកជញ្ជូនឡាវ លោក Bounchan Sinthavong ផងដែរ៕
តាម VOV5 - វិទ្យុសំឡេងវៀតណាម
