នាយករដ្ឋមន្ត្រីជប៉ុនបញ្ចប់ដំណើរទស្សនកិច្ចជាផ្លូវការនៅវៀតណាមប្រកបដោយជោគជ័យ
នារសៀលថ្ងៃទី១៧ ខែមករា ឆ្នាំ២០១៦ នាយករដ្ឋមន្ត្រីជប៉ុន លោក Shinzo Abe និងភរិយា បានបញ្ចប់ដំណើរបំពេញទស្សនកិច្ចជាផ្លូវការ នៅវៀតណាម ចាប់ពីថ្ងៃទី១៦ ដល់ថ្ងៃទី១៧ ខែមករា ឆ្នាំ២០១៧ តាមសេចក្ដីអញ្ជើញរបស់នាយករដ្ឋមន្ត្រីវៀតណាម លោក Nguyen Xuan Phuc។ ក្នុងក្របខ័ណ្ឌដំណើរបំពេញទស្សនកិច្ចនៅវៀតណាម នាយករដ្ឋមន្ត្រីជប៉ុន លោក Shinzo Abe បានជួបសន្ទនា ជាមួយនាយករដ្ឋមន្ត្រី លោក Nguyen Xuan Phuc ជួបសម្ដែងការគួរសមអគ្គលេខាបក្ស លោក Nguyen Phu Trong ប្រធានរដ្ឋ លោក Tran Dai Quang ជួបប្រាស្រ័យប្រធានរដ្ឋសភា លោកស្រី Nguyen Thi Kim Ngan …លៗ នៅក្នុងជំនួបទាំងនេះ ភាគីទាំងពីរបានឯកភាពបង្កើនទំនុកទុកចិត្តខាងនយោបាយតាមរយៈបង្កើនជំនួបប្រាស្រ័យ និងផ្លាស់ប្តូរគណៈប្រតិភូជាន់ខ្ពស់ បង្កើនប្រសិទ្ធិភាពយន្តការសន្ទនា។ ភាគីទាំងពីរបានឯកភាពបង្កើនកិច្ចសហប្រតិបត្តិការជាក់ស្ដែង អំពីនយោបាយការពារជាតិ ដែលក្នុងនោះមានវិស័យរាវរកបំផ្លាញគ្រាប់មីន និងលើកកំពស់សមត្ថភាពអនុវត្តច្បាប់លើសមុទ្រ។ ស្ដីអំពីកិច្ចសហប្រតិបត្តិការ សេដ្ឋកិច្ចភាគីទាំងពីរឯកភាពជំរុញការតភ្ជាប់ខឿនសេដ្ឋកិច្ចទាំងពីរ តាមរយៈការជំរុញវិនិយោគ ពាណិជ្ជកម្ម ODAនិងកិច្ចសហប្រតិបត្តិការក្នុងវិស័យកសិកម្ម ពលកម្ម។
ភាគីទាំងពីរបានឯកភាពរួមសហការជិតស្និទ្ធិ នៅលើវេទិកាអន្តរជាតិនិងតំបន់។
ភាគីទាំងពីរបានឯកភាពអំពីសារសំខាន់នៃការធានាសន្តិភាព ស្ថិរភាព សុវត្ថិភាព និងសេរីភាពនាវាចរណ៍អាកាសចរណ៍។ភាគីទាំងពីរបានឯកភាពដោះស្រាយជំលោះដោយសន្តិវិធី មិនបានប្រើប្រាស់អំពើហឹង្សានិងគំរាមកំហែងប្រើប្រាស់អំពើហឹង្សាគោរពច្បាប់អន្តរជាតិ ជាពិសេសគឺអនុសញ្ញាអង្គការសហប្រជាជាតិ ស្ដីអំពីច្បាប់សមុទ្រ ឆ្នាំ១៩៨២ ក៏ដូចជាសេចក្ដីថ្លែងការណ៍ ស្ដីអំពីប្រតិបត្តិរបស់ភាគីនានា នៅសមុទ្រខាងកើត (DOC) និងកសាងក្រមប្រតិបត្តិនៅសមុទ្រខាងកើត (COC) យ៉ាងឆាប់ៗ៕
តាម VOV5 - វិទ្យុសំឡេងវៀតណាម