ព័ត៌មាន
នាយករដ្ឋមន្ត្រី លោក Nguyen Xuan Phuc ទទួលជួបជាមួយធនាគារ BTMU ជប៉ុននិងសម្ព័ន្ធក្រុមហ៊ុន Huawei ចិន
នាយករដ្ឋមន្ត្រីរដ្ឋាភិបាល វៀតណាម លោក Nguyen Xuan Phuc អញ្ជើញទទួលជួបជាមួយលោក Takashi Oyamada អគ្គនាយកធនាគារ The Bank of Tokyo Mitsubishi-UFJ (BTMU) ជប៉ុន
នារសៀលថ្ងៃទី១៥ ខែកុម្ភៈ ឆ្នាំ២០១៧ នៅទីក្រុងហាណូយ នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc បានអញ្ជើញទទួលជួបជាមួយលោក Takashi Oyamada អគ្គនាយកធនាគារ The Bank of Tokyo Mitsubishi-UFJ (BTMU) ជប៉ុនដែលកំពុងបំពេញទស្សនកិច្ចការងារនៅវៀតណាម។ នៅក្នុងជំនួបនេះ លោក Nguyen Xuan Phuc បានសង្កត់ធ្ងន់ថាបច្ចុប្បន្ន រដ្ឋាភិបាលវៀតណាម កំពុងខិតខំប្រឹងប្រែងកែលំអរបរិយាកាសវិនិយោគសំដៅទាក់ទាញវិនិយោគិនបរ ទេសឲ្យបានច្រើនថែមទៀតក្នុងនោះមានវិនិយោគិនជប៉ុនផងដែរ។ លោក Nguyen Xuan Phuc បានគូសបញ្ជាក់ថាអង្គភាពអាជីវកម្មនានា របស់វៀតណាមជានិច្ចកាល មានបំណងសហប្រតិបត្តិការ ជាមួយអង្គភាពអាជីវកម្មរបស់ជប៉ុន ដើម្បីរៀនសូត្របទពិសោធន៍ អំពីការគ្រប់គ្រងក៏ដូចជាការផលិតកម្ម។
ក្នុងជំនួបជាមួយលោកស្រី Sun Yafang ប្រធានសម្ព័ន្ធក្រុមហ៊ុន Huawei របស់ចិននាយករដ្ឋមន្ត្រី លោក Nguyen Xuan Phuc មានបំណងថា Huawei នឹងជម្រុញកិច្ចសហប្រតិបត្តិការ ជាមួយសហគ្រាសនានានៅវៀតណាម។ ហើយរដ្ឋាភិបាលវៀតណាម នឹងបង្កលក្ខណៈងាយស្រួលសម្រាប់ កិច្ចសហប្រតិបត្តិការទាំងអស់នេះ នាពេលខាងមុខ។ រីឯប្រមុខ Huawei វិញក៏បានសន្យាធានាសុវត្ថិភាព លើបណ្តាញអ៊ិនធ្វើណែត សម្រាប់ផលិតផលរបស់ Huawei នៅទីផ្សារវៀតណាមផងដែរ៕
តាម VOV5 - វិទ្យុសំឡេងវៀតណាម