នាឆ្នាំ២០០៦ ក្រុមហ៊ុន Vietnam Vespa Adventures ដែលបានបង្កើតឡើងដោយលោក Steve Mueller ជនជាតិអាមេរិក តែងតែដឹកភ្ញៀវទេសចរណ៍ដោយម៉ូតូម៉ាក់ Vespa ចាស់របស់ប្រទេសអ៊ីតាលី ដើម្បីទស្សនាទីក្រុងសាយហ្គន។ រហូតដល់បច្ចុប្បន្ននេះនៅទីក្រុងហូជីមិញ ទម្រង់រូបភាពទេសចរណ៍ថ្មីនេះមានរាប់រយក្រុមហ៊ុនធ្វើអាជីវកម្ម នាំភ្ញៀវទេសចរណ៍ទស្សនាបណ្តាទីកន្លែងដ៏ល្បីឈ្មោះស្ថិតនៅក្នុងទីក្រុងដូចជា៖ រោងល្ខោន ប្រៃសណីយ៍ទីក្រុង សាលថុងញ៉ឺត កំពង់ផែញ៉ារ៉ុង…
មកទស្សនាទីក្រុងហូជីមិញ ភ្ញៀវទេសចរណ៍ងាយស្រួលរកមធ្យោបាយធ្វើដំណើរប្រភេទនេះនៅតាមវិថីដែលមានភ្ញៀវទេសចរណ៍បរទេសជាច្រើន (គេហៅថាវិថីខាងលិច) វិថីប៊ុយវៀនស្ថិតនៅខណ្ឌទី១។ នៅទីនេះមានស៊េរីម៉ូតូម៉ាក់ Vespa គ្រប់គ្រាន់ ដើម្បីត្រៀមបំរើភ្ញៀវទេសចរណ៍។ ក្រៅចំណូលចិត្តជិះម៉ូតូម៉ាក់ Vespa អ្នកបើកម៉ូតូម៉ាក់នេះ គឺជាអ្នករួមដំណើរផង គឺជាមគ្គុទ្ទេសក៍ទេសចរណ៍ផង ដើម្បីភ្ញៀវទេសចរណ៍យល់បន្ថែមនូវប្រភពដើម រឿងរ៉ាវក៏ដូចជាបណ្តាតំលៃវប្បធម៌ មុខម្ហូបអាហារនៃទីក្រុងហូជីមិញផងដែរ។
ស្ថាបនិកប្រភេទទេសចរណ៍ថ្មីនេះ គឺលោក Steve Mueller បានចែករំលែកថា៖ "មកទេសចរណ៍ទីក្រុងហូជីមិញដោយជិះម៉ូតូលេខអូតូម៉ាទិក គឺជាប្រភេទទេសចរណ៍ល្អបំផុត ការរកឃើញពិតប្រាកដមួយនិងជាការយល់បន្ថែមនូវជីវភាពរស់នៅរបស់ប្រជាជននៅទីក្រុងហូជីមិញ"។
ដោយទម្រង់រូបភាពទេសចរណ៍ប្រភេទនេះថ្មីទាំងស្រុង ប៉ុន្តែតំរូវការរបស់ភ្ញៀវទេសចណ៍ជាច្រើន ដូច្នេះក្រុមហ៊ុន Vietnam Vespa Adventures បានទទួលភាពជោគជ័យយ៉ាងឆាប់រហ័ស។ ក្រុមហ៊ុន Vietnam Vespa Adventures កំណត់តំលៃទេសចរណ៍ជុំវិញទីក្រុងសាយហ្គនចំណាយ ៤ ដល់ ៥ ម៉ោង ដែលមានតំលៃ ៧៩ ដុល្លារអាមេរិកសំរាប់ម្នាក់ ការទេសចរណ៍ឆ្ងាយចំណាយពី ៣ ដល់ ៧ថ្ងៃ ដែលមានតំលៃ ៧០០ ដល់ ២០០០ ដុល្លារអាមេរិកសំរាប់ម្នាក់។