ជំនួបជាមួយយុវជន ដើម្បីស្ដាប់ ពិភាក្សា និងដោះស្រាយការលំបាក
ជាមួយយុវជនវ័យក្មេងចំពោះដំណើរការចាប់ផ្ដើមអាជីព
នាព្រឹកថ្ងៃទី២៩ ខែមិនា ឆ្នាំ២០១៧ តំណាងថ្នាក់ដឹកនាំទីក្រុង Da Nang បានប្រារព្ធឡើងជំនួបជាមួយយុវជន ដើម្បីស្ដាប់ ពិភាក្សា និងដោះស្រាយការលំបាកជាមួយយុវជនវ័យក្មេង ចំពោះដំណើរការចាប់ផ្ដើមអាជីព ។ យុវជនចំនួនជាង ៤០០ នាក់ តំណាងឲ្យយុវជនទីក្រុង បានលើកសំណួរដែលទាក់ទិននឹងប្រភពទុនកម្ចី ព័ត៌មាន និងការតម្រង់ទិសចាប់ផ្ដើមអាជីពជាដើម ។ លោក Ho Ky Minh អនុប្រធាគណៈកម្មាធិការទីក្រុង Da Nang បានឲ្យដឹងថា៖ រដ្ឋាភិបាល និងថ្នាក់ដឹកនាំទីក្រុងមានចំណាប់អារម្មណ៍ ក្នុងបញ្ហាចាប់ផ្ដើមអាជីព។ នាដើមឆ្នាំនេះ ទីក្រុង Da Nang បានបង្កើតក្រុមប្រឹក្សាសម្របសម្រួលការចាប់ផ្ដើមអាជីព។ លោក Ho Ky Minh បានឲ្យទៀតថា៖
“នាដើមខែមិនា ថ្នាក់ដឹកនាំទីក្រុងបានចេញសេចក្តីសម្រេច ស្តីអំពីបរិយាកាសចាប់ផ្ដើមអាជីព ដែលក្នុងនោះនឹងបង្កើតមូលនិធិជួយជ្រោមជ្រែង ការចាប់ផ្ដើមអាជីពពីប្រភពថវិការ ។ ទន្ទឹមនឹងនេះ ទីក្រុងក៏កំពុងតភ្ជាប់ ជាមួយអង្គការអន្តរជាតិអ្នកធ្វើហិរញ្ញប្បទាន សំដៅបង្កើតមូលនិធិវិនិយោគសម្រាប់ ជួយជ្រោមជ្រែងលើបណ្ដាគំរោងការណ៍ចាប់ផ្ដើមអាជីពនៅទីក្រុង៕
តាម VOV5 - វិទ្យុសំឡេងវៀតណាម
