ប្រឈមចំពោះភាពរាំងស្ងួតនិងការជ្រាបជាតិប្រៃ
ប៉ុន្មានឆ្នាំមុននេះ ឲ្យតែដល់ខែមិនា គឺជាពេលប្រជាជននៅវាលទំនាបទន្លេគឺឡុង ត្រៀមបម្រុងឲ្យរដូវប្រមូលផលស្រូវប្រាំង ប៉ុន្តែឆ្នាំនេះ ការរាំងស្ងួតនិងជ្រាបជាតិប្រៃ បានធ្វើឲ្យវាលស្រែក្លាយជាស្ងួតហួតហែង។
គ្រួសារលោកតា ទ្រឿងក្វឹកថាញ ពីអានយ៉ាងទៅដល់ភូមិកៀនថាញ ឃុំកៀនមិញ ស្រុកកៀនឡឿង ខេត្តកៀនយ៉ាងបានជួលដីស្រែធ្វើស្រូវចំនួន២០ហិកតាកាលពីប្រាំមួយឆ្នាំមុន។ ក្រោយប្រាំឆ្នាំធ្វើបានអំណោយផល មកដល់រដូវប្រាំងឆ្នាំនេះ ពេលស្រូវកំពុងដល់ដំណាក់កាលបង្កើតគ្រាប់ បែរជាត្រូវរងភាពរាំងស្ងូតអូសបន្លាយ បន្ទាប់មកត្រូវជ្រាបជាតិប្រៃធ្វើឲ្យដំណាំស្រូវបង្អាក់ គ្រាប់ស្រូវស្កក់មានទឹកដោះមិនពេញ ប្រែក្លាយជាពណ៌លឿង ហើយស្លោកទៅ។
លោកថាញនិយាយដោយសេចក្តីសោកស្តាយថា៖ “សំឡឹងមើលទឹកក្នុងប្រឡាយតែមិនហ៊ានបាចចូលស្រែ ពីព្រោះសុទ្ធតែទឹកប្រៃធ្វើឲ្យស្រូវកាន់តែងាប់រហ័លទៅ”។ ឆ្លងមួយថ្ងៃទៅមួយថ្ងៃ វាលស្រែរបស់លោកកាន់តែងាប់បន្តិចទៅៗ។ ចុងក្រោយ ដីស្រែ២០ហិកតាត្រូវងាប់ទាំងស្រុង លោកថាញបាត់ផលអស់។
 មកដល់ពាក់កណ្តាលខែមិនាឆ្នាំ២០១៦ ពេលអ្នកយកព័ត៌មានកាសែតរូបភាពវៀតណាម ថតបានសន្លឹករូបនេះ នៅលើវាលស្រែត្រូវជ្រាបជាតិប្រៃរបស់គ្រួសារលោក ង្វៀនវ៉ាន់ផឿង (ភូមិកាចាញ ឃុំផុងដុង ស្រុកវិញធ្វឹន ខេត្តកៀនយ៉ាង) គឺទូទាំងខេត្ត ទាំង១៣/១៣ខេត្តនៅវាលទំនាបទន្លេគឺឡុង សុទ្ធតែរងឥទ្ធិពលធ្ងន់ធ្ងរដោយសារភាពរាំងស្ងួតនិងជ្រាបជាតិប្រៃ ដ៏ខ្លាំងបំផុតក្នុងរង្វង់១០០ឆ្នាំកន្លងមក។ រូបថត៖ ង្វៀនឡឹន  ស្ថានភាពរាំងស្ងួតនិងជ្រាបជាតិប្រៃបានឡើងដល់កម្រិតធ្ងន់បំផុតក្នុងរង្វង់១០០ឆ្នាំកន្លងហើយ។ រូបថត៖ ង្វៀនឡឹន  ប្រព័ន្ធប្រឡាយរក្សាទឹកក៏ត្រូវរីងស្ងួតនៅភូមិហ័រផឿក ឃុំថាញឡុក ស្រុកចូវថាញ ខេត្តកៀនយ៉ាង។ រូបថត៖ ង្វៀនឡឹន  លោកយាយ ត្រឹនធីចូវ ជាកសិករម្នាក់ នៅទីក្រុងរ៉ាចយ៉ា ខេត្តកៀនយ៉ាង លើវាលស្រែដែលត្រូវខូចខាតទាំងស្រុងរបស់គ្រួសារ។ រូបថត៖ ង្វៀនឡឹន   ដើមស្រូវកំពុងបង្អោនគ្រាប់ជួបការរាំងស្ងួតនិងជា្របជាតិប្រៃបានធ្វើឲ្យស្ថានភាពគ្រាប់ស្រូវស្កក់និងខូចទាំងស្រុង។ រូបថត៖ ង្វៀនឡឹន  បាតដៃទាំងគូរបស់កសិករចំណាស់ ង្វៀនវ៉ាន់ផឿង នៅភូមិកាចាញ ឃុំផុងដុង ស្រុកវិញធ្វឹន ខេត្តកៀនយ៉ាង កំពុងកកាយស្រទាប់អំបិលរងអណ្តែតនៅលើវាលស្រែរបស់គ្រួសារខ្លួន។ រូបថត៖ ង្វៀនឡឹន  ប្រជាជននៅស្រុកម៉រកាយណាម (ខេត្តបេនត្រែ) រក្សាទឹកភ្លៀងពីរដូវវស្សាឆ្នាំមុន សម្រាប់ប្រើប្រាស់នៅរដូវប្រាំងរាំងស្ងួត។ រូបថត៖ ង្វៀនឡឹន  គ្រួសារលោក ង្វៀនវ៉ាន់ទឺ នៅភូមិសែវក្វៃអា ឃុំណាមថៃ ស្រុកអានបៀនខេត្តកៀនយ៉ាង ត្រូវស្វានអណ្តូងទឹកជ្រៅដល់៩០ម៉ែត្រទើបមានទឹកសាបសម្រាប់ប្រើ។ រូបថត៖ ង្វៀនឡឹន  ប្រជាជននៅភូមិណាំ ឃុំអានហេប ស្រុកបាទ្រី ខេត្តបេនត្រែ ជីកអណ្តូងធំដើម្បីស្វែងរកទឹកសាបប្រើប្រាស់។ រូបថត៖ ង្វៀនឡឹន  បងឡេកុងទ្រីញ នៅភូមិតាម ឃុំអានហេប ស្រុកបាទ្រី ខេត្តបេនត្រែ បើមយកទឹកសាបពីអណ្តូងស្នប់ ចូលធុងយកទៅប្រើប្រាស់និងលក់ឲ្យប្រជាជន។ រូបថត៖ ង្វៀនឡឹន |
|
ទន្លេមេគង្គមានប្រភពពីខ្ពង់រាបទីបេ(ចិន) នៅកម្ពស់ជាង៥០០០ម៉ែត្រ ហូរឆ្លងកាត់ខេត្តយូណាន (ចិន) ឆ្លងមីយ៉ានម៉ា ថៃ ឡាវ កម្ពុជានិងចុងក្រោយគឺវៀតណាម។ វាលទំនាបទន្លេគឺឡុង ជាប្រភពនៅចុងទន្លេមេគង្គ។ ដូចនេះការកសាងទំនប់វាអគ្គិសនីលើខ្សែទឹកសំខាន់របស់ទន្លេមេគង្គ ជាមូលហេតុបង្កឲ្យមានការបាក់ដី អតុល្យភាពជីវសាស្រ្ត ពិសេសធ្វើឲ្យជីវភាពរស់នៅរបស់ប្រជាជននិងអ្នកនេសាទ នៅតំបន់ចុងប្រភពទន្លេមេគង្គមានការច្របូកច្របល់។ តាមការគិតគូរបស់អ្នកវិទ្យាសាស្រ្ត តំបន់វាលទំនាបទន្លេគឺឡុង ត្រូវបន្ថយចុះ៦០០.០០០តោនជលផលក្នុងមួយឆ្នាំ លទ្ធភាពផលិតកសិកម្មក៏បន្ថយចុះជិត២២៤.០០០តោនក្នុងមួយឆ្នាំ។ បូកសរុបការខូចខាតកសិកម្មនិងជលផលប្រហែលជា៥.២០០ពាន់លានដុង ស្រូបយក២,៣%នៃសរុប GDP របស់ទូទាំងតំបន់។ |
តាមសេចក្តីកំណត់បញ្ជាក់របស់អ្នកឯកទេស រដូវវស្សាឆ្នាំ២០១៥ មកយឹត ប៉ុន្តែបញ្ចប់រហ័ស រដូវប្រាំងអូសបន្លាយធ្វើឲ្យបរិមាណទឹករក្សាទុក ត្រូវធ្លាក់ចុះយ៉ាងបង្គួរ មិនគ្រប់ផ្គត់ផ្គង់ឲ្យផលិតកម្មនិងប្រើប្រាស់។ ប្រទេសនានានៅតំបន់ដើមប្រភពទឹកទន្លេមេគង្គ ពេលកន្លងហើយបានដំណើរការកសាងសំណងវារីអគ្គិសនីនិងបង្កើនរក្សាទឹក បានធ្វើឲ្យបរិមាណទឹកហូរចុះមកចុងប្រភពវាលទំនាបទន្លេគឺឡុង ត្រូវបន្ថយចុះពាក់កណ្តាល។ ទន្ទឹមនោះ បាតុភូតប្រែប្រួលអាកាសធាតុទូទាំងពិភពលោក El Nino ធ្វើឲ្យទឹកសមុទ្រកើនឡើងខ្ពស់ បង្កសំណឹកឆ្នេសមុទ្រ នាំឲ្យស្ថានភាពជា្របជាតិប្រៃចូលទៅក្នុងវាលស្រែតាមច្រកទ្វារសមុទ្រ។ ដោយសារ “ឥទ្ធិពលទ្វេដង" នេះបានងបង្កឲ្យមាន “ផលវិបាកទ្វេដង” ធ្វើឲ្យវាលទំនាបទន្លេគឺឡុងតស៊ូ ជាមួយភាពរាំងស្ងូតនិងជ្រាបជាតិប្រៃនេះ។
ឆ្នាំនេះ ជាតិប្រៃបានជ្រាបមកដល់ឆាប់ជាងឆ្នាំមុនៗជិតពីរខែ បរិវេណជា្របជាតិប្រៃចូលជ្រៅនិងបើកទូលាយ។ បច្ចុប្បន្ន នៅលើប្រព័ន្ធទន្លេធំៗ នៃភាពខាងលិចដូចជាទន្លេហូវ ទន្លេលេតៀន ទន្លេវាមករ ទន្លេកាយឡើន។ល។ ត្រូវជ្រាបជាតិប្រៃចូលទៅជ្រៅ មានកន្លែងខ្លះឡើងដល់ពី៧០-៨០គីឡូម៉ែត្រ ចូលទៅជ្រៅជាងប៉ុន្មានឆ្នាំមុនជាមធ្យមពី២០-៣០គីឡូម៉ែត្រ កម្រិតជាតិប្រៃនៅទ្វារទន្លេធំមួយចំនួនឡើងដល់ពី៨-៩%។
ខេត្តកៀនយ៉ាង បាកលិវ កាម៉ាវ ជាមូលដ្ឋានរងផលវិបាកនៃ “ឥទ្ធពលទ្វេដង” យ៉ាងធ្ងន់ធ្ងរបំផុត។ ដោយឡែកខេត្តកៀនយ៉ាង នៅជាប់ជាយសមុទ្រខាងលិចនិងទន្លេកាយឡើន ទើបស្ថានភាពជ្រាបជាតិប្រៃកាន់តែខ្លាំងក្លា និងពិបាកជំនះជាង។ គ្រួសារជាច្រើននៅស្រុកកៀនឡឿង អានបៀន អានមិញ វិញធ្វឹន អ៊ូមិញធឿន ទោះបីរកគ្រប់មធ្យោបាយសង្គ្រោះស្រូវ ប៉ុន្តែនៅមិនអាចសម្រេចជោគជ័យ។ កសិករវ័យចំណាស់ ង្វៀនវ៉ាន់ផឿង នៅភូមិកាចាញ ឃុំផុងដុង ស្រុកវិញធ្វឹន បានស្ទូងស្រូវសាឡើងវិញបីបួនលើក នៅលើដីស្រែត្រូវជ្រាវបជាតិប្រៃ ប៉ុន្តែមិនមានទឹកសាបទើបមិនអាចកែខៃបាន ឈរទ្រាំសំឡឹងស្រូវងាប់សន្សឹមៗទៅ ដូចថ្លើមសួតស្ងួតហួតរីងទៅ។
ស្ថានភាពជ្រាបជាតិប្រៃ នៅធ្វើឲ្យកាត់បន្ថយបរិមាណទឹកសាប នៅគ្រប់ទីកន្លែង គួបផ្សំភាពរាំងស្ងួតធ្វើឲ្យខ្សែទឹកក្រោមដីកោកយ៉ាងឆាប់រហ័ស ជីវភាពប្រជាជនត្រូវរងឥទ្ធិពលយ៉ាងធ្ងន់ធ្ងរ។ ការធ្វើដំណើរស្វែងរកទឹកសាប ទឹកស្អាតសម្រាប់ប្រើប្រាស់ របស់ប្រជាជននៅគ្រប់ស្រុកដូចជា អានបៀន អានមិញ កៀនឡឿង។ល។ នៅខេត្តកៀនយ៉ាងពីមួយថ្ងៃទៅមួយថ្ងៃកាន់តែលំបាក។ គ្រប់កន្លែងត្រូវស្វានអណ្តូងជ្រៅឡើងដល់៩០ម៉ែត្រ ទើបមានទឹកប្រើប្រាស់។
ទូទាំងខេត្តបេនត្រែ មានឃុំចំនួន១៦០/១៦៤ ត្រូវរងគ្រោះរាំងស្ងួតជ្រាបជាតិប្រៃ នាំឲ្យខ្វះខាតទឹកស្អាតប្រើប្រាស់។ អ្នកស្រុកសំចៃទឹកស្អាតដោយវិធីងួត(ទឹកមានជាតិប្រៃ) ក្រោយមកទើបងូតជំរះដោយទឹកភ្លៀង ដែលរក្សាទុកពីរដូវវស្សាមុន។ល។ ហេតុនេះហើយ មិនដែលពេលណាមានការព្រួយបារម្ភកង្វះទឹកសាបក្លាយជាអារម្មណ៍មិនល្អ ចំពោះប្រជាជននៅតំបន់វាលទំនាប ទន្លេគឺឡុងដូចសព្វថ្ងៃទេ។
ទប់ទល់យូរអង្វែង
|
តាមលោករដ្ឋមន្ត្រីក្រសូងធនធាន-បរិស្ថាន ត្រឹនហុងហា មូលហេតុដើមនៃការប្រែប្រួលរាំងស្ងួត ជ្រាបជាតិប្រៃយ៉ាងខ្លាំងនេះ ដែលកំពុងប្រព្រឹត្តទៅនៅវាលទំនាបទន្លេគឺឡុង គឺមកពីបញ្ហាដើមប្រភពទឹក។ |
អនាគត ស្ថានភាពរាំងស្ងួតនិងការជ្រាបជាតិប្រៃ អាចសម្រេចកម្រិតកំពូលនៅចុង ខែឧសភានិងមានលទ្ធភាពអូសអន្លាយដល់ទល់ខែមិថុនា។ ដូចនេះ ការប្រឆាំងភាពរាំងស្ងួត ជ្រាបជាតិប្រៃឲ្យតំបន់ កំពុងជាបញ្ហាចាំបាច់បំផុត។
ចំពោះស្ថានភាពនេះ លោកអគ្គលេខាបក្ស ង្វៀនភូត្រុង បានអញ្ជើញទៅសង្កេតមើល តាមខេត្តនៃវាលទំនាបទន្លេគឺឡុង ដើម្បីពិនិត្យស្ថានភាព លើកទឹកចិត្តប្រជាជននិងស្វែងរកទិសដៅជំនះ។ លោកនាយករដ្ឋមន្ត្រី នៃរដ្ឋាភិបាល បានចង្អុលការពង្រាយវិធានការចាំបាច់ ទប់ទល់គ្រោះរាំងស្ងួតជ្រាបជាតិប្រៃនៅវាលទំនាបទន្លេគឺឡុង និងចាត់ទុកជាភារកិច្ចសំខាន់នាំទូទាំងប្រព័ន្ធនយោបាយ។
ចំពោះមុខ ដើម្បីទប់ទល់ជាមួយស្ថានភាពរាំងស្ងួតជ្រាបជាតិប្រៃ កំពុងបន្តប្រព្រឹត្តទៅនៅវាលទំនាបទន្លេគឺឡុង និងរាំងស្ងួតធ្ងន់បំផុតនៅតំបន់ខាងត្បូងនៃភាគកណ្តាលនិងតីង្វៀន ក្រសួងកសិកម្មនិងអភិវឌ្ឍន៍ជនបទបានអំពាវនាវនិងស្នើដល់អង្គការអន្តរជាតិឧបត្ថម្ភ ជំនួយពីជនសប្បុរសធម៌ជាចាំបាច់ជូន ដល់ប្រជាជនដែលត្រូវរងគ្រោះយ៉ាងធ្ងន់ធ្ងរ អនុវត្តធ្វើទ្រនប់ ជីកស្រះ ស្វានអណ្តូង នាំទឹកប្រើប្រាស់ឲ្យប្រជាជន ជំនួយសេដ្ឋកិច្ចមិនទុកឲ្យប្រជាជនអត់ឃ្លាន កង្វះទឹកប្រើប្រាស់។ល។
 ចំពោះការខូចខាតដោយសាររាំងស្ងួតនិងជ្រាបជាតិប្រៃ លោកអគ្គលេខាបក្ស ង្វៀនភូត្រុង ចុះពិនិត្យស្ថានភាពនៅខេត្តនៃវាលទំនាបទន្លេគឺឡុង។ ក្នុងរូបថត៖ នាព្រឹកថ្ងៃទី១៧ ខែមិនា ឆ្នាំ២០១៦ លោកអគ្គលេខាបក្សអញ្ជើញមកសួរសុខទុកមាមីងកសិករលើវាលស្រូវត្រូវរងការជ្រាបជាតិប្រៃនៅឃុំតឹនថាញ ស្រុកយងត្រោម ខេត្តបេនត្រែ។ រូបថត៖ ទ្រីយុង  ប្រព័ន្ធលូការពារ ប្រឆាំងជ្រាបជាតិប្រៃកំពុងបានកសាងប្រញាប់នៅឃុំណាមថៃអា ស្រុកអានបៀន ខេត្តកៀនយ៉ាង។ រូបថត៖ ង្វៀនឡឹន  ទីក្រុងរ៉ាចយ៉ា ខេត្តកៀនយ៉ាង កំពុងរួសរាន់ធ្វើសម្រេចប្រព័ន្ធទំនប់ទន្លេកៀនយ៉ាង។ រូបថត៖ ង្វៀនឡឹន  ប្រព័ន្ធបង្គោលទប់រលកនិងព្រៃការពារប្រឆាំងការជ្រាបជាតិប្រៃ នៅមាត់សមុទ្រស្រុកអានមិញ ខេត្តកៀនយ៉ាង។ រូបថត៖ ង្វៀនឡឹន  ក្រុមគ្រប់គ្រងព្រៃឈើជាតិអ៊ូមិញធឿន វាស់កម្រិតទឹកនៅក្រោមកម្រាលមមោកដើម្បីពិនិត្យ ប្រឆាំងការឆេះព្រៃ។ រូបថត៖ ង្វៀនឡឹន  ប្រជាជនទ្រាំលំបាកស្វានអណ្តូងជ្រៅ សង្ឃឹមស្វែងរកបានប្រភពទឹកសាបនៅស្រុកម៉រកាយណាម ខេត្តបេនត្រែ។ រូបថត៖ ង្វៀនឡឹន  ប្រព័ន្ធម៉ាស៊ីនបូមទឹកនៅតំបន់ព្រៃឈើជាតិអ៊ូមិញធឿង ដើម្បីសម្រួលកម្រិតទឹកក្នុងព្រៃ ធានាសុវត្ថិភាពឲ្យព្រៃឈើ។ រូបថត៖ ង្វៀនឡឹន  ប្រជាជនមួយចំនួននៅទីរួមស្រុកម៉រកាយណាម បានម្ចាស់ការវិនិយោគប្រព័ន្ធជម្រាញ់ទឹក ដើម្បីជម្រាញ់ទឹកម៉ាស៊ីនសាឡើងវិញ សម្រាប់ប្រើប្រាស់និងបម្រើមាមីងនៅក្នុងតំបន់។ រូបថត៖ ង្វៀនឡឹន  នៅកោះតឹនភូដុងខេត្តតៀនយ៉ាង មាមីងបានបង្វែទម្រង់រូបភាពធ្វើស្រូវទៅជាដាំស្លឹកគ្រៃមានប្រសិទ្ធភាពខ្ពស់។ រូបថត៖ ង្វៀនឡឹន  នៅមូលដ្ឋានមួយចំនួនត្រូវប្រមូលផលស្រូវឆាប់ ពេលត្រូវខូចធ្ងន់ដោយសាររាំងស្ងួតនិងជ្រាបជាតិប្រៃ។ រូបថត៖ ង្វៀនឡឹន |
|
ក្រសួងកសិកម្មនិងអភិវឌ្ឍន៍ជនបទ បានអំពាវនាវនិងស្នើឲ្យអង្គការអន្តរជាតិឧបត្ថម្ភ ជំនួយពីជនសប្បុរសធម៌ជាបន្ទាន់ ជូនប្រជាជនដែលត្រូវរងគ្រោះធ្ងន់ អនុវត្តទប់ទ្រនប់បណ្តោះអាសន្ន ជីកអណ្តូង ស្រះ ដឹកជញ្ជូនទឹកប្រើប្រាស់ទៅឲ្យប្រជាជន ជំនួយសេដ្ឋកិច្ច មិនទុកឲ្យប្រជាជនអត់ឃ្លាន ខ្វះទឹកប្រើប្រាស់។ល។… |
ភាពយូរបង្វែ រដ្ឋាភិបាលបានកំណត់រៀបចំនូវរចនាសម្ពន្ធកូនពូជសមស្រប ពិពិធនិយកម្មនិងអភិវឌ្ឍន៍ដំណាំ ដែលមានសមត្ថភាពសម្របជាមួយស្ថានភាពរាំងស្ងួតនិងជ្រាបជាតិប្រៃ ស្រាវជ្រាវជ្រើសរើសបង្កើតពូជដំណាំឈើហូបផ្លែ ឈើឧស្សាហកម្ម ដំណាំអាហារដែលមានសមត្ថភាពធុនរាំងស្ងួតនិងជាតិប្រៃល្អ។ កែប្រែហេដ្ឋារចនាសម្ពន្ធបច្ចេកទេស បង្វែរចនាសម្ពន្ធសេដ្ឋកិច្ច ទម្លាប់វប្បកម្មនិងសកម្មភាពរស់នៅរបស់ប្រជាជន ដែលរស់នៅជាប់ជាយសមុទ្រ ដើម្បីសម្របជាមួយកម្រិតទឹកសមុទ្រកើនឡើង។ល។ ទន្ទឹមនោះ អំពាវនាវប្រទេសនានាប្រើប្រាស់រឹងមាំនូវប្រភពទឹក របស់ទន្លេមេគង្គ អំពាវនាវអង្គការអន្តរជាតិឧបត្ថម្ភដើមទុន គម្រោង ODA ពីការកសាងសំណង និងលើកកម្ពស់សមត្ថភាពគ្រប់គ្រង ដើម្បីទប់ទល់ ជាមួយភាពរាំងស្ងួតនិងជ្រាបជាតិប្រៃ។
ដើម្បីទប់ទល់យូរអង្វែនៅស្ថានភាពរាំងស្ងួត ជ្រាបជាតិប្រៃ វិទ្យាស្ថានស្រូវវាលទំនាបទន្លេគឺឡុង កំពុងប្រមូលផ្តុំចូលការស្រាវជ្រាវពូជស្រូវធុនជាតិប្រៃខ្ពស់ ដើម្បីអាចរួមរស់ជាមួយរាំងស្ងួត ជ្រាបជាតិប្រៃដ៏ល្អបំផុត។ សព្វថ្ងៃវិទ្យាស្ថានបានស្រាវជ្រាវជោគជ័យ និងកំពុង ក្នុងដំណាក់កាលពិសោធន៍សាកល្បងពូជស្រូវមួយចំនួនធុនបានជាតិប្រៃពី៣-៤%។
ក្រៅពី ដើមពូជសម្បូរបែបមានលទ្ធភាពធុនរាំងស្ងួត ប្រៃល្អ កំពុងបានមូលដ្ឋានយកចិត្តទុកដាក់ស្រាវជ្រាវ។ គំរូដូចជា ប្រជាជននៅកោះតឹនភូដុង ខេត្តតៀនយ៉ាង បានបង្វែជោគជ័យការដាំស្លឹកគ្រៃជំនួសស្រូវវិញ ដោយសារដីជ្រាបទឹកប្រៃខ្ពស់ បើកចេញទិសដៅថ្មីជូនប្រជាជននៅតំបន់កោះទន្លេតៀន។
សង្ឃឹមថា វិធានការចំពោះមុខនិងយូរវែងដូចខាងលើ វាលទំនាបទន្លេគឺឡុង នឹងឆ្លងកាត់បានការលំបាកនិងបន្តជាជង្រុកស្រូវ ជង្រុកត្រីធំបំផុតរបស់ទូទាំងប្រទេស រួមចំណែកធានាសន្តិសុខអាហារក្នុងប្រទេសនិងពិភពលោក៕
|
ចំពោះស្ថានភាពជ្រាបជាតិប្រៃបានលាតត្រដាងខ្លាំងនៅវាលទំនាបទន្លេគឺឡុង អនុបណ្ឌិត ង្វៀនហូវធៀន ជាអ្នកឯកទេសដែលស្រាវជ្រាវច្រើនពីវាលទំនាបទន្លេគឺឡុង ក៏បាននិយាយណែនាំប្រជាជនគួរសម្រប តាមដោយវិធីបង្វែទៅប្រព័ន្ធវប្បកម្មទឹកប្រៃ “វប្បកម្មស្រូវក្នុងលក្ខណៈលំបាកនៅតាមជាយសមុទ្រ គឺមិនសមស្រប ហើយការធ្វើស្រូវក្នុងរដូវប្រាំងនៅតាមជាយសមុទ្ររឹតតែមិនសមស្របទៅទៀត” លោកនិយាយ។ (ប្រភព៖ កាសែតអេឡិកត្រូនិក VnExpress |
អត្ថបទ៖ សើនងៀ រូបថត៖ ង្វៀនឡឹន
