បុណ្យចូលឆ្នាំថ្មីប្រពៃណីរបស់ប្រជាជនវៀតណាមរស់នៅភាគខាងត្បូងតែងតែមានថាស់ ដែលដាក់តាំងផ្លែឈើ ៥ ប្រភេទ ដូចជា៖ ផ្លែទៀប ផ្លែដូង ផ្លែល្ហុង ផ្លែស្វាយ។ ពីព្រោះតាមការបញ្ចេញសម្លេងរបស់ជនជាតិភាគខាងត្បូង ឈ្មោះរបស់ផ្លែឈើទាំង ៤ ប្រភេទនេះមានរបៀបបញ្ចេញបន្លឺនឹងអក្សរ “បួងសួង ល្មម គ្រប់ ចាយ” មានន័យបួងសួងនឹងទទួលបានភព្វសំណាងនិងរកស៊ីមានបាន ប៉ុន្តែ |
ក្នុងរាជកាលសក្តិភូមិ ចំណីអាហារក្នុងបុណ្យចូលឆ្នាំថ្មីប្រពៃណីត្រឹមតែថ្វាយជូនស្តេចនិងបណ្តាគ្រួសារមានអំណាចតែប៉ុណ្ណោះ ពីព្រោះចំណីអាហារទាំងនោះគឺជាឈ្ងុយឆ្ងាញ់និងកម្រមាន។ រីឯចំណីអាហារសាមញ្ញដូចជា៖ "សាច់ខ្លាញ់ ជ្រក់ស្ពៃ ឃ្លាឆ្លើយឆ្លងដែលសរសេរលើក្រដាស់ក្រហម"។ ដើមឫស្សីបានតុបតែង ផាវ នំអន្សំ ផ្ទះណាក៏មាន ដូច្នេះគេមិនអាចប្រកាន់អ្នកណាជាអ្នកមាន អ្នកណាជាអ្នកក្រ។
ចំណូលចិត្តធ្វើម្ហូបឈ្ងុយឆ្ងាញ់ ម្ហូបចម្លែកៗក្នុងបុណ្យចូលឆ្នាំប្រពៃណីវៀតណាម ក៏បានអភិវឌ្ឍន៍តាមពេលវេលាដែរ។ តាំងពីយូរហើយ នៅពេលឃើញ៖ នំអន្សំ ជ្រក់ស្ពៃខ្ទឹម ឃ្លាឆ្លើយឆ្លងដែលសរសេរលើក្រដាសពណ៌ក្រហម យើងដឹងថា បុណ្យចូលឆ្នាំថ្មីប្រពៃណីវៀតណាមមកដល់ហើយ។
នាសព្វថ្ងៃនេះ ក្រៅពីមុខម្ហូបនិងចំណីអាហារដែលពោលលើខាងលើ ជនជាតិវៀតណាមក៏មានចំណីអាហារដ៏ចម្លែកៗ ទៀតផង៖ មាន់ដុងតាវ (Dong Tao) ក្រូចថ្លុងយៀន (Dien) ផ្កា peach ញ៉ឹតតឹន (Nhat Tan) ផ្លែម្រាមដៃព្រះ ចេកដាយហ័ង (Dai Hoang) …. (ខាងជើង) ផ្កាធ្វើពីក្រដាសថាញទៀន (Thanh Tien) គំនូរភូមិស៊ីញ (Sinh) ម្ហូបអាហារក្នុងរាជវាំង…. (ភាគកណ្តាល) នំអន្សំ ផ្កាអង្គាសីល ក្រូចថ្លុងតឹនហុង (Tan Hong) មាន់គីឡឹន (Ky Lan) … (ភាគខាងត្បូង)។
សូម្បីតែ នៅពេលមានជីវភាពរស់នៅកាន់តែធូរធាថែមទៀត មនុស្សជាច្រើននាក់បានស្វែងរកកសិផលនិងផលដ៏កម្រមាននិងមានតំលៃដូចជា៖ សម្បុកសត្វត្រចៀកកាំ ត្រីអាញ់វូ (Anh Vu) មាន់ ៩ ឆ្នាល់ ដែលធ្វើជាម្ហូបអាហារមានតំលៃសំរាប់ថ្វាយជូនស្តេចលាងសាយភោជ។ ហេតុនេះ យើងទើបដឹងថា ប្រទេសជាតិកាន់តែអភិវឌ្ឍន៍ ប្រជាជនកាន់តែរៀបចំបុណ្យចូលឆ្នាំថ្មីប្រពៃណីវៀតណាមមិនចាញ់ស្តេចនៅសម័យមុនប៉ុន្មានទេ?
ផ្កា peach ញ៉ឹតតឹន (Nhat Tan) ដ៏ល្បីឈ្មោះ ដែលមិនខ្វះខាតក្នុងពិធីបុណ្យចូលឆ្នាំថ្មីរបស់ប្រជាជន រដ្ឋធានីហាណូយ។ រូបថត៖ ង្វៀនថាំង ផ្សារលក់ផ្កាហាងឡឿក (Hang Luoc) (រដ្ឋធានីហាណូយ) ទីកន្លែងលក់ឈើ ផ្កា ដែលឆ្លើយតបនឹងចំណូលចិត្ត ក្នុងពិធីបុណ្យចូលឆ្នាំថ្មីរបស់ប្រជាជនរដ្ឋធានី។ រូបថត៖ ឯកសាររបស់កាសែតរូបភាពវៀតណាម លោកឡេឌឹកយ៉ាប (Le Duc Giap) រស់នៅស្រុកថាញ់អ័យ (Thanh Oai) បានផ្សំមែកឈើ ដែលរួមមានផ្លែឈើ ៥ ប្រភេទលើដើមឈើមួយប្រកបដោយជោគជ័យ៖ ក្រូចថ្លុង ក្រូចពោធិសាត់ ក្រូចឃ្វិច ផ្លែម្រាមដៃព្រះ ផ្លែក្រូច សំដៅឆ្លើយតបនឹងចំណូលចិត្តរបស់ប្រជាជនក្នុងបុណ្យពិធីចូលឆ្នាំថ្មីប្រពៃណី។ រូបថត៖ វៀតគឿង ភូមិដាំផ្កា តឹនគ្វីដុង (Tan Quy Dong) នៅស្រុកសាដែក (Sa Dec) (ខេត្តដុងថាប) (Dong Thap) គឺមជ្ឈមណ្ឌល ដាំដើមឈើតុបតែងលំអធំបំផុតនៅភាគខាងត្បូង។ នៅចុងឆ្នាំ ភូមិផ្កាតឹនគ្វីដុងពេញលេញពណ៌លឿងពីផ្កា ដើម្បីត្រៀមផ្គត់ផ្គង់ឲ្យភាគខាងត្បូងនៅពិធីបុណ្យចូលឆ្នាំថ្មីប្រពៃណី។ រូបថត៖ ង្វៀនថាំង ផ្កាអង្គាសីល ឪឡឹក ក្រូច... គឺជាកសិផលដែលជនជាតិវៀតណាមដាក់តាំងលំអរក្នុង ពិធីបុណ្យចូលឆ្នាំថ្មីប្រពៃណីវៀតណាម។ រូបថត៖ ង្វៀនឡឹន សិល្បករណាមបូ (Nam Bo) តុបតែងផ្លែឈើពិសេសដែលក្លាយទៅរូបរាងសត្វនាគ ដើម្បីទទួលពិធីបុណ្យចូលឆ្នាំថ្មីប្រពៃណីវៀតណាម។ រូបថត៖ មីញគ្វឹក |
ពិធីបុណ្យចូលឆ្នាំថ្មីប្រពៃណីវៀតណាម ឬ ពិធីបុណ្យចូលឆ្នាំថ្មីរបស់ចន្ទគតិ គឺជាពិធីបុណ្យសំខាន់បំផុតក្នុងមួយឆ្នាំរបស់ជនជាតិវៀតណាម។ បុណ្យចូលឆ្នាំថ្មីប្រពៃណីវៀតណាមអូសបន្លាយក្នុងប៉ុន្មាន់ថ្ងៃនៃដើមឆ្នាំ (គិតតាមចន្ទគតិ) ក្នុងនោះបីថ្ងៃ៖ ថ្ងៃទី១ ថ្ងៃទី២ ថ្ងៃទីបី ខែមាគសិរ។ នេះគឺជាឳកាស ជនជាតិវៀតណាមជួបជុំគ្រួសារ សែនជីដូនជីតានិងបួងសួងឆ្នាំថ្មីបានជួបភព្វសំណាង។ |
ក្នុងបុណ្យចូលឆ្នាំ ជនជាតិវៀតណាមលើគ្រប់ទិសគ្រប់ទីកន្លែងតែងតែធ្វើ ឬកែច្នៃមុខម្ហូបដ៏ឈ្ងុយឆ្ងាញ់ របៀបធ្វើស្មុគស្មាញ ស្អាតនិងមានលក្ខណៈពិសេសរបស់តំបន់និមួយៗ។ ឧទាហរណ៍ តាំងពីយូរលង់មកហើយ នៅតំបន់វាលទំនាបទន្លេហុង (Hong) បានបង្កើតភូមិរបរដ៏ល្បីឈ្មោះ ដែលកែច្នៃមុខម្ហូបសំរាប់បុណ្យចូលឆ្នាំថ្មីប្រពៃណីដូចជា៖ នំអន្សំ សាច់ប្រហិតអឿកលេ (Uoc Le) នៅរដ្ឋធានីហាណូយ នំដំណាប់ស្វឹនឌីញ (Xuan Dinh) នៅរដ្ឋធានីហាណូយ ត្រីខដាយហ័ង (Dai Hoang) នៅខេត្តណាមឌីញ (Nam Dinh) …
រីឯនៅភាគកណ្តាល ខេត្តធឿធៀនហ្វេ (Thua Thien Hue)ទីកន្លែងធ្លាប់ជាអតីតរាជធានីរបស់រាជកាលសក្តិភូមិចុងក្រោយបង្អស់របស់ប្រទេសវៀតណាម នាសព្វថ្ងៃនេះ នៅតែរក្សាទំនៀមទំលាប់ក្នុងបុណ្យចូលឆ្នាំថ្មី នេះគឺការទទួលបុណ្យចូលឆ្នាំថ្មីប្រពៃណីវៀតណាមតាមបែបអតីតព្រះរាជវាំង។ តាមការវិវឌ្ឍន៍របស់ប្រវត្តិសាស្ត្រ របៀបទទួលបុណ្យចូលឆ្នាំថ្មីប្រពៃណីវៀតណាមនៅរាជវាំង បានរួមផ្សំនឹងរបៀបទទួលចូលឆ្នាំថ្មីប្រពៃណីប្រជាប្រិយ។
ចំពោះបងប្អូនស្ត្រីរស់នៅទីក្រុងហ្វេ (Hue) បុណ្យចូលឆ្នាំថ្មីប្រពៃណីគឺជាឳកាសដែលបង្ហាញប៉ិនប្រសប់ដោយការកែច្នៃម្ហូបអាហារ។ បុណ្យចូលឆ្នាំថ្មីប្រពៃណីនៅខេត្តធឿធៀនហ្វេ (Thua Thien Hue) មានរាប់រយមុខម្ហូប ម្ហូបប្រៃ៖ នំអន្សំ ជ្រក់ស្ពៃ សាច់គោត្រាំទឹកត្រី ជើងជ្រូក ប្រហិតធ្វើពីក្បាលជ្រូក ណែម ខ្ទឹមជ្រក់ជូ …ម្ហូបផ្អែម៖ ដំណាប់់គ្រប់មុខ នំ ទឹកតែស្រស់ បង្ហែមដុងសឿង ( dong suong) បង្ហែមដំឡូងជ្វាពណ៌ស្វាយ ក្រៅពីនោះ ទីក្រុងហ្វេក៏ល្បីឈ្មោះដោយម្ហូបបួសនិងមេផ្ទះណានៅអតីរាជធានីនោះសុទ្ធតែធ្វើម្ហូបបួសពីឬបីមុខផង។
ក្នុងបុណ្យចូលឆ្នាំថ្មីប្រពៃណីវៀតណាម គ្រឿងសំណែន ម្ហូបក្នុងអាហារមួយពេល ឬ ក្នុងម្ហូបអាហារពិធីជួបជុំគ្រួសាររបស់ប្រជាជនវៀតណាមរស់នៅភាគខាងត្បូងមានម្ហូបដ៏ឈ្ងុយឆ្ងាញ់ដូចជា៖ នំអន្សំ សាច់ជ្រូកខតាមរបៀបវៀតណាម ណែម សម្លម្រះច្រានខ្ទប់សាច់ជ្រូក ខ្វៃសាច់ ការី សាច់ក្រក...។
ក្នុងបុណ្យចូលឆ្នាំថ្មីប្រពៃណី ប្រជាជនវៀតណាមនៅខាងជើងវេចខ្ចប់នំអន្សំតាមរូបរាងបួនជ្រុង រីឯជនជាតិវៀតណាមនៅភាគខាងត្បូងវេចខ្ចប់នំអន្សំតាមរូបរាងមូល។ នំអន្សំរូបរាងមូលនេះជានិមិត្តរូបឲ្យជីវភាពសុខដុមរមនា តាំងពីជំនាន់មុនទៅដល់ជំនាន់កូនចៅក្រោយៗ។ នំអន្សំរបស់ប្រជាជនរស់នៅភាគត្បូងត្រូវបានកែច្នៃដូចជា៖ នំអន្សំប្រៃ នំអន្សំមានស្នូលលាយ នំអន្សំផ្អែម នំអន្សំគ្មានស្នូល…
ផ្កាឈូកធ្វើពីកាសថាញ់ទៀន (Thanh Tien) នៅទីក្រុងហ្វេ (Hue) បានដាក់តាំងលើទីសក្ការៈបូជាក្នុង ពិធីបុណ្យចូលឆ្នាំថ្មីប្រពៃណី។ រូបថត៖ ត្រឹនថាញ់យ៉ាង គំនូរបុណ្យចូលឆ្នាំថ្មីភូមិស៊ីញ (Sinh) ទីក្រុងហ្វេ។ រូបថត៖ វិញហ៊ឹង ធូបមួយប្រភេទមានក្លឹនក្រអប់ដែលប្រើប្រាស់ក្នុងពិធីបុណ្យចូលឆ្នាំថ្មីប្រពៃណី។ រូបថត៖ ងយឺ សូមអក្សរក្នុងពិធីបុណ្យចូលឆ្នាំថ្មី។ រូបថត៖ កុងដាត គំនូរប្រជាប្រិយដុងហូ (Dong Ho) (ស្រុកធួនថាញ់ ខេត្តបាក់នីញ)( Thuan Thanh Bac Ninh) ត្រូវប្រជាជន ភាគខាងជើងតុបតែងក្នុងផ្ទះក្នុងពិធីបុណ្យចូលឆ្នាំថ្មី។ ក្នុងរូបថត៖ សិល្បករ ង្វៀនដាំងចេ (Nguyen Dang Che) ភូមិដុងហូ(Dong Ho) គូរសត្វមាន់ក្នុងពិធីបុណ្យចូលឆ្នាំថ្មី។ រូបថត៖ ទ្រីញបូ |
ក្នុងបុណ្យចូលឆ្នាំថ្មីប្រពៃណីវៀតណាមមានបណ្តាប្រភេទនំ ដំណាប់ពិសេសនិងឈ្ងុយឆ្ងាញ់ដូចជា៖ ដំណាប់គ្រាប់ឈូក ដំណាប់ខ្ញី ដំណាប់ដូង ដើម្បីសែនជីដូនជីតានិងអញ្ជើញភ្ញៀវពិសា នៅពេលគេមកផ្ទះលេង។ |
ក្រៅពីផលដែលកែច្នៃ ពិធីបុណ្យចូលឆ្នាំថ្មីរបស់ជនជាតិវៀតណាមក៏មាន ចំណីអាហរពិសេសផ្សេងៗទៀតនិងផ្កា។ ឧទាហរណ៍ផ្កា peach ញ៉ឹតតឹន (Nhat Tan) ក្រូចថ្លុងយៀនហាណូយ (Dien Ha Noi) មាន់ដុងតាវ ខេត្តហ៊ឹងអៀន (Dong Tao Hung Yen) ចេកដាយហ័ង ខេត្តហាណាម (Dai Hoang Ha Nam) គំនូរដុងហូ ខេត្តបាក់នីញ (Dong Ho Bac Ninh) គំនូរភូមិស៊ីញ ខេត្តធឿធៀនហ្វេ (Sinh Thua Thien Hue) ...
របៀបប្រើប្រាស់និងពិសាចំណីអាហារសំរាប់បុណ្យចូលឆ្នាំថ្មីប្រពៃណីវៀតណាមរវាងបណ្តាភូមិភាគក៏ខុសគ្នា។ ឧទាហរណ៍ ប្រជាជនរស់នៅភាគខាងត្បូងចូលចិត្តជ្រើសរើសផ្លែឈើដែលដាំក្នុងចំការ ដើម្បីដាក់តាំងលើទីសក្ការៈបូជាជីដូនជីតា។
ប្រជាជននៅទីនេះតែងតែជ្រើសរើស៖ ផ្លែទៀប ផ្លែដូង ផ្លែល្ហុង ផ្លែស្វាយ។ ពីព្រោះតាមការបញ្ចេញសម្លេងរបស់ជនជាតិភាគខាងត្បូង ឈ្មោះរបស់ផ្លែឈើ ៤ ប្រភេទនេះមានរបៀបបញ្ចេញបន្លឺនឹងអក្សរ “បួងសួង ល្មម គ្រប់ ចាយ” មានន័យថាបួងសួងបានភព្វសំណាងនិងការរកស៊ីមានបាន ប៉ុន្តែបំណងនូវបានល្ម មិនចង់ច្រើនណាទេ។ ក្រៅពីនោះប្រជាជនរស់នៅភាគខាងត្បូងចាត់ទុកផ្កាអង្គាសីលមានអត្ថន័យភព្វសំណាង។
ហេតុនេះ ក្នុងពិធីបុណ្យចូលឆ្នាំ ផ្ទះណាក៏តុបតែងផ្កាអង្គាសីល។ អង្គាសីលរីកផ្កាពណ៌លឿងមួយមែកក្នុងដើមឆ្នាំគឺក្តីសប្បារីករាយ ដែលជាសញ្ញាល្អប្រសើរក្នុងពេញមួយឆ្នាំ។
ភូមិវេចខ្ចប់នំអន្សំត្រាញឃូក (Tranh Khuc) (រដ្ឋធានីហាណូយ) អ៊ូអរវេចខ្ចប់នំអន្សំ ដើម្បីរៀបចំឲ្យពិធីបុណ្យចូលឆ្នាំថ្មីប្រពៃណី។ រូបថត៖ ទ្រីញបូ ស្លឹកឈើ អង្កដំណើប សណ្តែតខៀវ ទំពាំងស្ងួត ផ្សិតត្រចៀកកណ្តុរ ត្រូវបានលក់នៅទីផ្សារក្នុងប៉ុន្មាន់ថ្ងៃជិត ពិធីបុណ្យចូលឆ្នាំថ្មីប្រពៃណីវៀតណាម នៅតំបន់ជនបទភាគខាងជើង។ រូបថត៖ ត្រុងជីញ មាន់ដុងតាវ (Dong Tao) នៅខេត្តហ៊ឹងអៀនមានសាច់ឈ្ងុយឆ្ងាញ់ រូបរាងចម្លែកដែលចាត់ទុកដូចជាមុខម្ហូប ពិសេសរបស់តំបន់ទំនាបខាងជើង។ រូបថត៖ កុងដាត ដំណាប់ប្រពៃណីគ្រប់មុខរបស់ប្រជាជនវៀតណាម។ រូបថត៖ ត្រាមី វ៉ានគ្វៀន ថាសដាក់តាំងផ្លែឈើ ៥ ប្រភេទ។ រូបថត៖ ឯកសាររបស់កាសែតវៀតណាម នំអន្សំធ្វើពីស្លឹកបាយដំណើបរបស់តំបន់តីដូ (Tay Đo) (ខេត្តកឹនថើ) (Can Tho)។ រូបថត៖ ង្វៀនឡឹន បាយដំណើបនិងសម្លទំពាំងស្ងោរជាមួយជើងជ្រូកគឺមុខអាហារប្រពៃណីរបស់ប្រជាជនវៀតណាម ក្នុងបុណ្យចូលឆ្នាំថ្មីប្រពៃណីជនជាតិវៀតណាម។ រូបថត៖ ត្រាមី បង្អែមត្រូវដាំក្នុងបុណ្យចូលឆ្នាំថ្មីប្រពៃណីរបស់ជនជាតិវៀតណាមដូចជា៖ បង្អែមគ្រាប់ឈូកតនិងផ្លែមៀន បង្អែមឃ្មុំ...រូបថត៖ ត្រាមី ម្ហូបត្រីខរបស់ភូមិដាយហ័ង (Dai Hoang) (ស្រុកលីញ៉ឹន ខេត្តណាមឌីញ) (Ly Nhan Nam Dinh)។ រូបថត៖ វៀតគឿង ម្ហូបអាហារក្នុងបុណ្យចូលឆ្នាំថ្មីប្រពៃណីជនជាតិវៀតណាម។ រូបថត៖ ត្រឹនថាញ់យ៉ាង |
ប្រជាជនវៀតណាមមានគុណធម៌ផឹកទឹកនឹកដល់ប្រភពទឹក ដូច្នេះគេតែងតែជូនគ្នានូវចំណីអាហារពិសេសទៅវិញទៅមកក្នុងពិធីបុណ្យចូលឆ្នាំថ្មីប្រពៃណីវៀតណាម។ នៅសម័យមុន កូនសិស្សជូនគ្រូសត្វមាន់មួយក្បាល ដែលបង្ហាញទឹកចិត្តគោរពគ្រូ កូនជូនពុកម៉ែសូត្រ មែកផ្កា peach ផ្កាអង្គាសីលមួយថូ ដែលបង្ហាញការសឹងគុណបង្កើត មិត្តភក្តិស្និទ្ធស្នាលជូនឃ្លាឆ្លើយឆ្លង គំនូរមួយផ្ទាំង ដើម្បីពង្រឹងទំនាក់ទំនងកាន់តែសិទ្ធស្នាលថែមទៀត។
ក្នុងបុណ្យចូលឆ្នាំថ្មីប្រពៃណីវៀតណាម ជនជាតិវៀតណាមមានទំនៀបទំលាប់អញ្ជើញមកផ្ទះពិសាអាហារមួយពេលនិងជូនពរឆ្នាំថ្មី។ អាហារមួយពេលក្នុងបុណ្យចូលឆ្នាំថ្មីរួមមានម្ហូបឈ្ងុយឆ្ងាញ់គ្រប់មុខ ផ្ទះបានតុបតែងលំអស្អាត។ ក្នុងប៉ុន្មាន់ថ្ងៃនៃដើមឆ្នាំ ភ្ញៀវនិងម្ចាស់ផ្ទះពិសាស្រានិងអាហារឆ្ងាញ់ គយគន់ផ្ការីក អាននិងវិភាគនូវឃ្លាឆ្លើយឆ្លង អ្វីៗទាំងនោះជាពោរពេញដោយបរិយាកាសបុណ្យចូលឆ្នាំថ្មីប្រពៃណីវៀតណាម។ វប្បធម៌នេះបានបន្តពីជំនាន់មុនទៅដល់ជំនាន់ក្រោយ ដែលបង្ហាញមនោសញ្ចេតនារក្សានិងពង្រីកទំនៀបទំលាប់ទទួលបុណ្យចូលឆ្នាំថ្មីប្រពៃណីវៀតណាម./.
អត្ថបទ៖ ថុងធៀន រូបថត៖ កាសែតរូបភាពវៀតណាម