ក្នុងក្របខ័ណ្ឌទស្សនកិច្ចនេះ លោកប្រធានាធិបតីសហរដ្ឋអាមេរិកបានជួបពិភាក្សាការងារជាមួយ លោកប្រធានរដ្ឋ ត្រឹនដាយក្វាង អញ្ជើញធ្វើជាសាក្សីក្នុងពិធីចុះកិច្ចព្រមព្រៀងសំខាន់ៗមួយចំនួនរវាងប្រទេសទាំងពីរ និងអញ្ជើញជួបសម្តែងការគួរសមជាមួយលោកអគ្គលេខាបក្ស ង្វៀនភូត្រុង ជួបសវនាការជាមួយ លោកនាយករដ្ឋមន្ត្រី ង្វៀនស្វឹនភូក ជួបពិភាក្សាការងារជាមួយ លោកស្រីប្រធានរដ្ឋសភា ង្វៀនធីគីមង៉ឹន អញ្ជើញមកទស្សនាទីកន្លែងរស់នៅនិងធ្វើការរបស់លោកប្រធានហូជីមិញ ថ្លែងសន្ទរកថាពិសេសនៅពេលជួបយុវជនចំនួន ២០០០ នាក់ តំណាងឲ្យយុវវ័យវៀតណាម ជួបប្រាស្រ័យជាមួយមេដឹកនាំវ័យក្មេងចំនួន ៨០០ នាក់ ជាសមាជិកនៃអង្គការគំនិតផ្តួចផ្តើមមេដឹកនាំវ័យក្មេងអាស៊ីអាគ្នេយ៍..
ពិធីទទួលស្វាគមន៍ជាផ្លូវការលោកប្រធានាធិបតីសហរដ្ឋអាមេរិក Barack Hussein Obama
ត្រូវបានរៀបចំយ៉ាងមហោឡារិក នៅវិមានប្រធានរដ្ឋ។ រូបថត៖ ត្រុងឌឹក /ទីភ្នាក់ងារសារព័ត៌មានវៀតណាម
លោកប្រធានរដ្ឋ ត្រឹនដាយក្វាង អញ្ជើញលោកប្រធានាធិបតីសហរដ្ឋ Barack Obama ត្រួតក្រុមកិត្តិយសនៃកងទ័ពប្រជាជនវៀតណាមក្នុងពិធីទទួលស្វាគមន៍។ រូបថត៖ ត្រុងឌឹក /ទីភ្នាក់ងារសារព័ត៌មានវៀតណាម
លោកប្រធានរដ្ឋ ត្រឹនដាយក្វាង និងលោកប្រធានាធិបតីសហរដ្ឋ Barack Obama មុនពេលជួបពិភាក្សាការងារ។
រូបថត៖ ញ៉ានសាង /ទីភ្នាក់ងារសារព័ត៌មានវៀតណាម
លោកប្រធានរដ្ឋ ត្រឹនដាយក្វាង ជួបពិភាក្សាការងារជាមួយ លោកប្រធានាធិបតី Barack Obama។
រូបថត៖ ញ៉ានសាង /ទីភ្នាក់ងារសារព័ត៌មានវៀតណាម
ថ្នាក់ដឹកនាំនៃប្រទេសទាំងពីរអញ្ជើញធ្វើជាសាក្សីក្នុងពិធីចុះហត្ថលេខាលើកិច្ចសន្យាទិញយន្តហោះចំនួន Boeing ១០០ ក្បាល ដែលមានតំលៃ ១១,៣ ពាន់លានដុល្លារអាមេរិករវាងក្រុមហ៊ុន VietjetAir របស់ប្រទេសវៀតណាម និងសម្ព័ន្ធក្រុមហ៊ុន Boeing របស់សហរដ្ឋអាមេរិក។ រូបថត៖ ញ៉ានសាង /ទីភ្នាក់ងារសារព័ត៌មានវៀតណាម
លោកប្រធានាធិបតី Barack Obama ប្រកាស សហរដ្ឋអាមេរិកលុបចោលទាំងស្រុងបទបញ្ជាហាមលក់អាវុធបង្កការរងរបួសចំពោះប្រទេសវៀតណាម នៅពេលធ្វើសន្និសិទការសែតរួមជាមួយលោកប្រធានរដ្ឋ ត្រឹនដាយក្វាង។
រូបថត៖ញ៉ានសាង /ទីភ្នាក់ងារសារព័ត៌មានវៀតណាម
តាមលោកអនុរដ្ឋមន្ត្រីការបរទេស ហាគីមង៉ុក ទស្សនកិច្ចលើកនេះ គឺតម្រុយថ្មីៗក្នុងទំនាក់ទំនងនៃប្រទេសទាំងពីរ បង្ហាញជំហានធំក្នុងគំនិតរបស់ថ្នាក់ដឹកនាំសហរដ្ឋអាមេរិកចំពោះប្រទេសវៀតណាម។ សហរដ្ឋអាមេរិកគោរពរបបនយោបាយនៃប្រទេសវៀតណាម គោរពថ្នាក់ដឹកនាំនៃប្រទេសវៀតណាម។ ប្រការនេះ ដែលបញ្ចេញតាមការលោក Obama មានបំណងប្រាថ្នានិងបានជួបពិភាក្សាការងារជាមួយថ្នាក់ដឹកនាំជាន់ខ្ពស់វៀតណាមទាំង ៤ រូប អញ្ជើញមកទស្សនាទីកន្លែងលោកប្រធានហូជីមិញបានរស់នៅនិងធ្វើការ បង្ហាញការគោរពជាមួយលោកប្រធានហូជីមិញ ជាវិរៈបុរសជាតិ និងបានអង្គការ UNESCO លើកតំកើង។
ក្នុងដំណើរទស្សនកិច្ចនេះ ភាគីទាំងពីរបានឯកភាព បង្កើនទំនាក់ទំនងដៃគូពេញលេញវៀតណាម - អាមេរិកតាមទិសដៅជាក់ស្តែង ធ្វើស៊ីជម្រៅ ប្រសិទ្ធភាពថែមទៀត ពីព្រោះផលប្រយោជន៍របស់ប្រទេសទាំងពីរ រួមចំណែកក្នុងការរក្សាសន្តិភាព ស្ថេរភាពនិងសហប្រត្តិបត្តិការក្នុងតំបន់និងលើពិភពលោក។ លទ្ធផលដ៏លេចធ្លោនៃទស្សនកិច្ចលើកនេះបានបង្ហាញយ៉ាងច្បាស់លាស់ក្នុងសេចក្តីប្រកាសរួមនៃប្រទេសទាំងពីរ នោះគឺភាគីទាំងពីរសន្យាបង្កើនទំនាក់ទំនងនយោបាយ - ការទូត ជំរុញកិច្ចសហប្រតិបត្តិការសេដ្ឋកិច្ច ក្នុងនោះមានការបញ្ជាក់ ការសន្យាស្តីពីការជំរុញអនុម័តឲ្យបានឆាប់រហ័សនិងអនុវត្តន៍កិច្ចព្រមព្រៀង TPP ប្រកបដោយគ្រប់គ្រាន់ ធ្វើឲ្យស៊ីជំរៅថែមទៀតនូវទំនាក់ទំនងប្រជាជននៃប្រទេសទាំងពីរ បង្កើនកិច្ចសហប្រតិបត្តិការលើវិស័យសន្តិសុខ- ការពារជាតិ ជំរុញនិងការពារសិទ្ធិមនុស្សសមស្របនឹងធម្មនុញ្ញនិងការសន្យាអន្តរជាតិនៃប្រទេសនិមួយៗ ដោះស្រាយបណ្តាការសាកល្បងក្នុងតំបន់និងលើពិភពលោក ធ្វើស៊ីជម្រៅថែមទៀតនូវទំនាក់ទំនងដៃគូយូរអង្វែង។
គួរឲ្យកត់សម្គាល់ ក្នុងដំណើរទស្សនកិច្ចលើកនេះ ភាគីទាំងពីរបានព្រមព្រៀងនូវកិច្ចសហប្រតិបត្តិការយ៉ាងជាក់ស្តែងដូចជា៖បង្កើតមហាវិទ្យាល័យ Fulbright វៀតណាម ចុះហត្ថលេខាលើកិច្ចព្រមព្រៀងសេដ្ឋកិច្ចធំៗ មានតំលៃឡើងដល់ ១៦៣ ពាន់លានដុល្លារអាមេរិកលើវិស័យអាកាសចរណ៍និងថាមពលអគ្គីសនីខ្យល់។ ជាពិសេស ភាគីអាមេរិកបានប្រកាសលុបចោលទាំងស្រុងការដាក់ទណ្ឌកម្មលក់អាវុធបង្ករងរបួសចំពោះវៀតណាម គូសចំណាំទំនាក់ទំនងនៃប្រទេសទាំងពីរចាប់ពីពេលនោះតទៅទៀតត្រូវបានប្រក្រតីនីយកម្មទាំងស្រុងដែរ។
លោកអគ្គលេខាបក្ស ង្វៀនភុត្រុង ជួបសវនាការជាមួយ លោកប្រធានាធិបតី Barack Obama ។
រូបថត៖ ទ្រីយុង /ទីភ្នាក់ងារសារព័ត៌មានវៀតណាម
លោកនាយករដ្ឋមន្ត្រី ង្វៀនស្វឹនភុក ជួបសវនាការជាមួយ លោកប្រធានាធិបតី Barack Obama ។
រូបថត៖ ទ្រីយុង /ទីភ្នាក់ងារសារព័ត៌មានវៀតណាម
លោកស្រីប្រធានរដ្ឋសភា ង្វៀនធីគីមង៉ឹន ជួបជាមួយលោកប្រធានាធិបតី Barack Obama ។
រូបថត៖ ទ្រីយុង /ទីភ្នាក់ងារសារព័ត៌មានវៀតណាម
លោកស្រីប្រធានរដ្ឋសភា ង្វៀនធីគីមង៉ឹន អញ្ជើញលោកប្រធានាធិបតី Barack Obama មកទស្សនាទីកន្លែងរស់នៅ និងធ្វើការរបស់លោកប្រធានហូជីមិញ ស្ថិតក្នុងមណ្ឌលកេរ្តិ៍ដំណែលវិមានប្រធានរដ្ឋ។ រូបថត៖ ត្រុងឌឹក/ទីភ្នាក់ងារសារព័ត៌មានវៀតណាម
ស្តីពីបញ្ហាសមុទ្រនៅខាងកើត ភាគីទាំងពីរបានបញ្ចេញការព្រួមបារម្ភចំពោះការវិវឌ្ឍន៍នាពេលថ្មីៗនេះនៅសមុទ្រខាងកើត ដែលបង្កើតភាពតានតឹង កាត់បន្ថយទំនុកទុកចិត្ត គំរាមកំ ហែងសន្តិភាព សន្តិសុខនិងស្ថេរភាព។ ដូច្នេះ ភាគីទាំងពីរបានបញ្ជាក់ការសន្យារួមចំពោះដំណោះស្រាយបណ្តាជម្លោះដែនដីនិងដែនសមុទ្រដោយសន្តិវិធី ក្នុងនោះមានការគោរពយ៉ាងគ្រប់គ្រាន់ដំណើរការទូតនិងច្បាប់ មិនប្រើប្រាស់កម្លាំងអាវុធឬគំរាមកំហែងប្រើប្រាស់កម្លាំង សមស្របនឹងធម្មនុញ្ញរបស់អង្គការសហប្រជាជាតិ ច្បាប់អន្តរជាតិ ក្នុងនោះមានសន្ធិសញ្ញារបស់អង្គការសហប្រជាជាតិ (UNCLOS)។
ភាគីទាំងពីរបានសង្កត់ធ្ងន់ ការសន្យារបស់ភាគីជម្លោះមិនមានសកម្មភាពដែលធ្វើស្មុគស្មាញស្ថានភាពថែមទៀត ឬបើកទូលាយបណ្តាជម្លោះ ទទួលសម្គាល់តួនាទីក្នុងការអនុវត្តន៍សេចក្តីប្រកាសស្តីពីប្រព្រឹត្តរបស់ភាគីនានានៅសមុទ្រខាងកើត (DOC) ឲ្យបានត្រឹមត្រូវ ជំរុញការចរចារនិងចុះហត្ថលេខាលើក្រមសិលធម៌របស់ភាគីនានានៅសមុទ្រខាងកើត (COC) ឲ្យបានឆាប់ៗនេះ។
ភាគីទាំងពីរបានសង្កត់ធ្ងន់ ការចាំបាច់នៃការធានាសេរីភាពនៅផ្លូវដែនសមុទ្រ ក៏ដូចជាការរក្សាបណ្តាសកម្មភាពពាណិជ្ជកម្មដែលគោរពច្បាប់ មិនរារាំងនៅសមុទ្រខាងកើត អំពាវនាវមិនប្រើប្រាស់កងទ័ពនិងអំណត់ក្នុងការដោះស្រាយបណ្តាជម្លោះ អះអាងសារជាថ្មីម្តងទៀត ការសន្យារួមតាមសេចក្តីប្រកាស និងការសន្យានូវការសហការយ៉ាងជិតស្និទ្ធជាមួយបណ្តាដៃគូអាស៊ានផ្សេងៗ ក្នុងការអនុវត្តន៍សេចក្តីនេះដែរ។
លោកប្រធានាធិបតី Barack Obama ថ្លែងសន្ទរកថាពិសេសជាមួយតំណាងឲ្យយុវវ័យវៀត ណាមចំនួន ២.០០០ នាក់ នៅមជ្ឈមណ្ឌលជាតិ (រដ្ឋធានីហាណូយ)។ រូបថត៖ មិញសើន/ ទីភ្នាក់ងារសារព័ត៌មានវៀតណាម
លោកប្រធានាធិបតី Barack Obama ជួបប្រាស្រ័យជាមួយយុវវ័យចំនួន ៨០០ នាក់ ដែលជាសមាជិកនៃគំនិតផ្តួចផ្តើមមេដឹកនាំវ័យក្មេងអាស៊ីអាគ្នេយ៍ នៅទីក្រុងហូជីមិញ។ រូបថត៖ ថាញ់វូ /ទីភ្នាក់ងារសារព័ត៌មានវៀតណាម
លោកប្រធានាធិបតី Barack Obama ជួបប្រាស្រ័យជាមួយបណ្តាសហគ្រាសចាប់ផ្តើមការធ្វើអាជីវកម្មគំរូរបស់ប្រទេសវៀតណាម នៅទីក្រុងហូជីមិញ។ រូបថត៖ វ៉ាន់ដាត /ទីភ្នាក់ងារសារព័ត៌មានវៀតណាម
លោកប្រធានាធិបតី Barack Obama ជួបប្រាស្រ័យជាមួយសហគ្រិនវ័យក្មេងវៀតណាមម្នាក់។
រូបថត៖ វ៉ាន់ដាត /ទីភ្នាក់ងារសារព័ត៌មានវៀតណាម
លោកប្រធានាធិបតី Barack Obama អញ្ជើញមកទស្សនាវត្តភឿកហាយ ស្ថិតនៅខណ្ឌ ១ ទីក្រុងហូជីមិញ។
រូបថត៖ ថាញ់វូ/ទីភ្នាក់ងារសារព័ត៌មានវៀតណាម
ប្រជាជនរស់នៅទីក្រុងហូជីមិញ ទទួលស្វាគមន៍ លោកប្រធានាធិបតី Barack Obama។ រូបថត៖ ថាញ់វូ/ទីភ្នាក់ងារសារព័ត៌មានវៀតណាម
លើកដៃលានៅជើងជណ្តើរឡើងយន្តហោះនៅព្រលានយន្តហោះអន្តរជាតិ តឹនសើនញ៉ឹត មុនពេលចាកចេញពីប្រទេសវៀតណាម លោកប្រធានាធិបតី Obama បានដាក់ដៃលើបេះដូងនិងនិយាយថា “ខ្ញុំពិតជារំភើបចិត្តខ្លាំងណាស់។ មនោសញ្ចេតនារបស់ប្រជាជនវៀតណាមបានរំភើបរំជួលបេះដូងខ្ញុំ។ គ្មានពេលណា ខ្ញុំមានចំណាប់អារម្មណ៍ជិតស្និទ្ធជាមួយប្រជាជនវៀតណាមដូច្នោះ”./.
ទីភ្នាក់ងារសារព័ត៌មានវៀតណាម /កាសែតរូបភាពវៀតណាម