ចាប់ពីថ្ងៃទី៩ ដល់ថ្ងៃទី១៥ ខែមិនា ឆ្នាំ២០១៦ លោកប្រធានរដ្ឋ ទ្រឿងតឹនសាង បានអញ្ជើញទៅបំពេញទស្សនកិច្ចថ្នាក់រដ្ឋនៅប្រទេស Tanzania, Mozambique និងអ៊ីរ៉ង់។ ការធ្វើដំណើរទស្សនកិច្ចលើកនេះ បង្កើតបានចលករថ្មីមួយ ក្នុងការងារជម្រុញទំនាក់ទំនងសហប្រតិបត្តិការ ពិសេស គឺក្នុងវិស័យសេដ្ឋកិច្ច-ពាណិជ្ជកម្ម រវាងវៀតណាមនឹងជាមួយប្រទេសមិត្តភក្តិប្រពៃណីនេះ។
ក្នុងដំណើរទស្សនកិច្ចនេះ លោកប្រធានរដ្ឋ ទ្រឿងតឹនសាង រួមជាមួយថ្នាក់ដឹកនាំប្រទេសនានាបានពិភាក្សាវិធីសាស្រ្តមូលដ្ឋានជាច្រើន ដើម្បីជម្រុញទំនាក់ទំនងសេដ្ឋកិច្ច-ពាណិជ្ជកម្មទ្វេភាគី ក្នុងនោះមានកិច្ចសន្យាជាមួយ Tanzania នាំទំនាក់ទំនងសេដ្ឋកិច្ច-ពាណិជ្ជកម្មឡើងដល់១ពាន់លានដូល្លាអាមេរិក ជាមួយ Mozambique ឡើងដល់៥០០លានដូល្លាអាមេរិក និងជាមួយអ៊ីរ៉ង់ឡើងដល់២ពាន់លានដូល្លាអាមេរិកនៅឆ្នាំ២០២០។
មុខទំនិញចម្បងទាំងឡាយដែលសហគ្រាសវៀតណាម កំណត់ត្រូវអាទិភាពនាំចេញទៅបរទេស ដូចជា អង្ករ កសិផល ជលផល សម្លៀកបំពាក់ ស្បែកជើង។ ផ្ទុយទៅវិញ វៀតណាមនឹងទិញផលិតផលអាទិភាពរបស់ប្រទេសជាមិត្តដូចជា គ្រាប់ស្វាយចន្ទី ចំណីបសុសត្វ កប្បាស (Tanzania), កប្បាស ដែកថែបសំណល ផលិតផលឈើ (Mozambique), ជី វត្ថុធាតុជាតិយឺត ម៉ាស៊ីនគ្រឿងបន្លាស់ (អ៊ីរ៉ង់)។
គម្រោងក្នុងឆ្នាំ២០១៦ នឹងប្រជុំគណៈកម្មការអន្តររដ្ឋាភិបាលវៀតណាម- Mozambique (លើទី៤) នៅទីក្រុង Maputo, គណៈកម្មការអន្តររដ្ឋាភិបាលវៀតណាម-អ៊ីរ៉ង់ (លើកទី៩) នៅទីក្រុង Tehran និងគណកម្មការអន្តររដ្ឋាភិបាលវៀតណាម-Tanzania (លើកទី២) នៅទីក្រុង Dar Es Salaam។
លោកប្រធានាធិបតី Tanzania John Magufuli ទទួលជួប លោកប្រធានរដ្ឋទ្រឿងតឹនសាង។
រូបថត៖ ង្វៀនខាង/ទីភ្នាក់ងារសារព័ត៌មានវៀតណាម
លោកប្រធានរដ្ឋ ទ្រឿងតឹនសាង ចូលរួមវេទិកាសហគ្រាសវៀតណាម- Tanzania ។
រូបថត៖ ង្វៀនខាង/ទីភ្នាក់ងារសារព័ត៌មានវៀតណាម
ដំណើរទស្សនកិច្ចក៏ជាឱកាសសម្រាប់ ថ្នាក់ដឹកនាំវៀតណាម និងប្រទេសនានា ផ្លាស់ប្តូរយោបល់អំពីបញ្ហាតំបន់និងអន្តរជាតិ ក្នុងនោះមានបញ្ហាកំពុងទាក់ទាញយកចិត្តទុកដាក់ របស់សហគមន៍អន្តរជាតិ នៅតំបន់អាស៊ីអាគ្នេយ៍ តំបន់មជ្ឈឹមបូព៌ា និងអំពីការប្តេជ្ញាចិត្តសហប្រតិបត្តិការ ដោះស្រាយនូវបញ្ហាសកល ពាក់ពន្ធដល់សន្តិភាព ស្ថេរភាព និងការរីកចម្រើន (បញ្ហាប្រឆាំងភេវរកម្ម សន្តិសុខក្រៅប្រពៃណី បម្រែបម្រួលធាតុអាកាស។ល។)។
ជាពិសេស ប្រទេសទាំងបីយល់ដឹងបន្ថែម ពីបញ្ហាជម្លោះអធិបតេយ្យភាព លើសមុទ្រខាងកើត ចែករំលែកទស្សនៈពីការជម្លោះអធិបតេយ្យភាព នៅតំបន់ដែលមានហានិភ័យគំរាមគំហែងដល់សន្តិភាព ស្ថេរភាព របស់តំបន់និងពិភពលោក។
ប្រទេសទាំងបីសុទ្ធតែគាំទ្រយ៉ាងខ្លាំងចំពោះទស្សនៈ គោលជំហរលក្ខន្តិកៈ ដោះស្រាយនូវជម្លោះដោយសន្តិវិធី តាមរយៈសន្ទនា យកច្បាប់អន្តរជាតិ និងលក្ខន្តិកៈរបស់ធម្មនុញ្ញអង្គការសហប្រជាជាតិ ក្នុងនោះមានអនុសញ្ញាច្បាប់សមុទ្រឆ្នាំ១៩៨២ ធ្វើជាខឿនមូលដ្ឋានឲ្យរាល់ការប្រតិបត្តិការ ដែលពាក់ព័ន្ធដល់ការវិវាទនិងជម្លោះ។
លោកប្រធានាធិបតី Mozambique Filipe Jacinto Nyusi អញ្ជើញលោកប្រធានរដ្ឋ ទ្រឿងតឹនសាង ត្រួតពិនិត្យកងពលកត្តិយល ក្នុងពិធីទទួលស្វាគមន៍ជាផ្លូវការ។
រូបថត៖ ង្វៀនខាង/ទីភ្នាក់ងារសារព័ត៌មានវៀតណាម
ប្រជាជនទីក្រុង Maputo (Mozambique) ទទួលលោកប្រធានរដ្ឋ ទ្រឿងតឹនសាង យ៉ាងកក់ក្តៅ។
រូបថត៖ ង្វៀនខាង/ទីភ្នាក់ងារសារព័ត៌មានវៀតណាម
ក្នុងដំណើរបំពេញទស្សនកិច្ចកនៅទ្វីបអាហ្វ្រិក និងមជ្ឈឹមបូព៌ាលើនេះ របស់លោកប្រធានរដ្ឋ ទ្រឿងតឹនសាង ឯកសារសហប្រតិបត្តិការសំខាន់ជាច្រើន លើវិស័យដូចជា សិក្សាអប់រំ ធនាគារ ប្រេងឧស្ម័ន បានចុះហត្ថលេខាលើកិច្ចសន្យា ដើម្បីជម្រុញសហប្រតិបត្តិការ ស៊ីជម្រៅជាងនេះទៀត រវាងវៀតណាមនិងប្រទេសនានា។
ចំណុចគួរកត់សម្គាល់ គឺសហគ្រាសនៃប្រទេសទាំងបី យកចិត្តទុកដាក់យ៉ាងខ្លាំង និងចាត់ទុកវៀតណាមជាទីផ្សារផ្គត់ផ្គង់ទំនិញចាំបាច់ដូចជា អាហារ ស្បែកជើង គ្រឿងប្រើប្រាស់ វាយនភ័ណ គ្រឿងបន្លាស់អេឡិកទ្រូនិក ពូជដំណាំ សត្វចិញ្ចឹម។ល។ សហគ្រាសវៀតណាមជាច្រើនបានបោះជំហានដំបូង ស្វែងរកឱកាសវិនិយោគនៅប្រទេសជាមិត្ត ក្នុងវិស័យផលិតកសិកម្ម ចិញ្ចឹមជលផល ដើមឈើឧស្សាហកម្ម ប្រេងឧស្ម័ន ទូរគមាគមន៍ ។ល។ សហគ្រាសមួយចំនួនរបស់វៀតណាម បានតភ្ជាប់ជាមួយដៃគូ មានផែនការបើកការិយាល័យតំណាងនៅ Tanzania, Mozambique។
លោកប្រធានាធិបតី អ៊ីរ៉ង់ Hassan Rouhani និងលោកប្រធានរដ្ឋ ទ្រឿងតឹនសាង ក្នុងកិច្ចប្រជុំសន្និសីទកាសែត។
រូបថត៖ ង្វៀនខាង/ទីភ្នាក់ងារសារព័ត៌មានវៀតណាម
លោកប្រធានរដ្ឋ ទ្រឿងតឹនសាង ជួបសវនាការជាមួយមហាគ្រូអ៊ីរ៉ង់ Ali Khamenei។
រូបថត៖ ទីភ្នាក់ងារសារព័ត៌មានវៀតណាមចុះផ្សាយ
ទោះបីទីតាំងភូមិសាស្រ្តនៅឆ្ងាយ វេលាបំពេញទស្សនកិច្ចបានប្រព្រឹត្តទៅយ៉ាងខ្លី ប៉ុន្តែលទ្ធផលបានមកគឺយ៉ាងធំធេងនិងជាក់ស្តែង។ ការជោគជ័យនៃដំណើរទស្សនកិច្ចរួម ជាមួយកិច្ចព្រមព្រៀង ឯកសារ ជាព្រឹត្តិការណ៍សំខាន់និងជាខឿនដ៏រឹងមាំ នាំទំនាក់ទំនងរបស់វៀតណាម ជាមួយប្រទេសទាំងបី Tanzania, Mozambique និងអ៊ីរ៉ង់ ឡើងមួយកម្រិតថ្មីទៀត ដើម្បីការអភិវឌ្ឍន៍រុងរឿងរបស់វៀតណាម និងប្រទេសមិត្តភក្តិបងប្អូន។៕
ទីភ្នាក់ងារសារព័ត៌មានវៀតណាម/ កាសែតរូបភាពវៀតណាម