ខេត្តក្រុងជាច្រើនប្រារព្ធឡើងរដូវទេសចរណ៍សមុទ្រ
នាល្ងាចថ្ងៃទី២៨ ខែមេសា ឆ្នាំ២០១៧ នៅទីក្រុង Da Nang (ភាគកណ្ដាលវៀតណាម) បានប្រារព្ធឡើងរដូវទេសចរណ៍សមុទ្រ Da Nang ២០១៧ ។ រដូវទេសចរណ៍សមុទ្រ Da Nang ឆ្នាំនេះមានសកម្មភាពវិសេសវិសាលដូចជា៖ ពិធីបុណ្យសមុទ្រ ប្រណាំងទូក Kayak ការដាក់តាំងបង្ហាញស្តង់ទំនិញ ឧទ្ទេសនាមស្ដីពីព័ត៌មាន ទួរទេសចរណ៍ Son Tra ជាដើម។ លោក Ngo Quang Vinh ប្រធានមន្ទីរទេសចរទីក្រុង Da Nang បានឲ្យដឹងថា៖
“ការប្រារព្ធរដូវទេសចរណ៍សមុទ្រនាឆ្នាំនេះ មានព្រឹត្តិការជិត២០។ មានសកម្មភាពថ្មីមួយចំនួន ទន្ទឹមនឹងសកម្មភាពជាប្រពៃណីដូចជា សកម្មភាពកីឡាសមុទ្រ រៀបចំស្តង់ទំនិញលក់ដូរ។ យើងខ្ញុំបានជួបប្រជុំជាមួយអង្គភាពស្នាក់នៅ អង្គភាពទេសចរណ៍ មណ្ឌល កន្លែងទេសចរណ៍បង្កើនគុណភាពបម្រើសំដៅឲ្យភ្ញៀវទេសចរណ៍មកទីនេះ ក្នុងមហោស្រពកាំជ្រួចផ្ការ រដូវទេសចរណ៍សមុទ្រមានអារម្មណ៍ពេញចិត្ត ចំពោះបរិយាកាសរស់រវើកនៅរដូវក្ដៅ Da Nang”។
ទន្ទឹមនឹងនេះ នៅ Quang Ninh (ភាគខាងជើងវៀតណាម) នាយប់ថ្ងៃទី២៨ ខែមេសា ឆ្នាំ២០១៧ បានប្រារព្ធឡើងកម្មវិធីសម្រស់ឆើតឆាយ Ha Long ២០១៧។ នេះជាព្រឹត្តិការពិសេសក្នុងចំណោមសកម្មភាពវប្បធម៌ កីឡា និងទេសចរណ៍វិសេសវិសាល នៃសប្ដាហ៍ទេសចរណ៍ឈូងសមុទ្រ Ha Long Quang Ninh។ លោក Luong Xuan Thanh ភ្ញៀវទេសចរណ៍មួយរូបបានចែករំលែកថា៖
“ខ្ញុំមកទីនេះជាមួយក្រុមគ្រួសារ។ ខ្ញុំឃើញថានាឆ្នាំនេះ Ha Long បានរៀបចំដោយទ្រង់ទ្រាយដ៏ធំ ស្អាត និងសែនសប្បាយ។ នេះជាលើកទីមួយហើយ ដែលខ្ញុំមក Quang Ninh និងចង់មកម្ដងទៀត”។
កម្មវិធីសម្រស់ឆើតឆាយ Ha Long ២០១៧ បានបទបញ្ចប់ហើយ។ ប៉ន្តែបណ្ដាពណ៌សូរសម្លេង រូបភាព វិសេសវិសាលរបស់កម្មវិធីនឹងបន្តអូសបន្លាយដល់ថ្ងៃជាបន្ត ចាប់ផ្ដើមឲ្យរដូវទេសចរណ៍របស់ Quang Ninh៕
តាម VOV5 - វិទ្យុសំឡេងវៀតណាម