ព័ត៌មាន
ខេត្ត Thanh Hoa រៀបចំពិធីរំលឹកខួបលើកទី៧០នៃទិវាលោកប្រធានហូជីមិញធ្វើដំណើរមកទីនេះលើកដំបូង
ប្រធានរដ្ឋ លោក Tran Dai Quang អញ្ចើញថ្លែងមតិក្នុងពិធីរំលឹកខួបលើកទី៧០នៃទិវាលោកប្រធានហូជីមិញធ្វើដំណើរទស្សនាខេត្ត Thanh Hoa ជាលើកដំបូង
នាព្រឹកថ្ងៃទី២០ ខែកុម្ភៈ ឆ្នាំ២០១៧ ខេត្ត Thanh Hoa រៀបចំពិធីរំលឹកខួបលើកទី៧០ នាំទិវាលោកប្រធានហូជីមិញ ធ្វើដំណើរមកទីនេះលើកដំបូងថ្ងៃទី២០ ខែកុម្ភៈ ឆ្នាំ១៩៤៧ - ថ្ងៃទី២០ ខែកុម្ភៈ ឆ្នាំ២០១៧។
អញ្ជើញថ្លែងមតិនៅទីនេះ ប្រធានរដ្ឋវៀតណាម លោក Tran Dai Quang បានគូសបញ្ជាក់ថាពិធីរំលឹកខួបលើកទី៧០នាំទិវាលោកប្រធានហូជីមិញ ធ្វើដំណើរមកទីនេះលើកដំបូងជាឱកាសរំលឹកឡើងវិញ និងមោទនភាពអំពីប្រពៃណីដ៏ត្រចះត្រចង់របស់បក្ស របស់រដ្ឋ ក៏ដូចជារបស់បក្សភាគ រដ្ឋអំណាចនិងប្រជាជនបណ្តាជនជាតិនៅខេត្ត Thanh Hoa តាមនោះ ពង្រឹងជំនឿជាក់និងការប្តេជ្ញាកសាងខេត្ត Thanh Hoa ឲ្យក្លាយទៅជាខេត្តគំរូ។ លោក Tran Dai Quang មានប្រសាសន៍ថា៖
“ខេត្ត Thanh Hoa គប្បីផ្តល់អាទិភាពសម្រាប់អភិវឌ្ឍន៍ផ្នែកឧស្សាហកម្មនានា។ ម្យ៉ាងវិញទៀតខេត្តត្រូវបន្តអភិវឌ្ឍន៍ សកម្មភាពជំរុញឧស្សាហកម្មសំ ដៅជួយលើកស្ទួយមុខរបរប្រពៃណី ដែលមានពាណិជ្ជសញ្ញា និងទីផ្សារប្រើប្រាស់ស្រាប់ទៅហើយ។ ជាពិសេសខេត្តត្រូវជម្រុញការនាំចេញ តាមទិសបង្កើនមុខទំនិញមានគុណភាពខ្ពស់ ផលិតផលកែច្នៃជាដើម”។
បន្តដំណើរទស្សនកិច្ចនៅខេត្ត Thanh Hoa នាថ្ងៃដដែល ប្រធានរដ្ឋ លោក Tran Dai Quang បានអញ្ជើញជួបធ្វើការ ជាមួយថ្នាក់ដឹកនាំខេត្ត Thanh Hoa ផងដេរ។ អញ្ជើញថ្លែងមតិនៅទីនេះ លោក Tran Dai Quang បានស្នើឲ្យខេត្ត Thanh Hoa គប្បីធ្វើអាជីវកម្មនូវសក្កានុភាព ប្រៀបខ្លាំង និងឆ្ពោះទៅការអភិវឌ្ឍន៍សេដ្ឋកិច្ច គ្រប់ជ្រុងជ្រោយ។ លោក Tran Dai Quang បានសង្កត់ធ្ងន់ថា ខេត្ត Thanh Hoa គប្បី ជម្រុញខ្លាំង ចលនាប្រជាជនទាំងមូលសាមគ្គីកសាងជីវភាពវប្បធម៌ រក្សានិងពង្រីក អត្តសញ្ញាណវប្បធម៌។ ជាពិសេស អនុវត្តល្អកម្មវិធីកាត់បន្ថយភាពក្រីក្រ ដោះស្រាយបញ្ហាការងារធ្វើនិងធានាសន្តិសុខសង្គម៕
តាម VOV5 - វិទ្យុសំឡេងវៀតណាម
