ទិដ្ឋភាពនៃជំនួបធ្វើការរវាងអនុរដ្ឋមន្ត្រីក្រសួងនគរបាល លោក Bui Van Namជាមួយថ្នាក់ដឹកនាំខេត្ត Quang Nam (រូបថតៈ TTXVN)
នារសៀលថ្ងៃទី១៤ ខែកុម្ភៈ ឆ្នាំ២០១៧ នៅទីក្រុង Hoi An ខេត្ត Quang Nam អនុរដ្ឋមន្ត្រីក្រសួងនគរបាល លោក Bui Van Nam ប្រធានអនុគណៈកម្មការសន្តិសុខសណ្តាប់ធ្នាប់ នៃវេទិកាសហប្រតិបត្តិការសេដ្ឋកិច្ចអាស៊ី-អឺរ៉ុប (APEC) ២០១៧ បានដឹកនាំក្រុមការងារ របស់ក្រសួងនគរបាល ជួបធ្វើការជាមួយថ្នាក់ដឹកនាំខេត្ត Quang Nam ស្តីអំពីការធានាសន្តិសុខសណ្តាប់ធ្នាប់សម្រាប់រាល់សកម្មភាព ក្នុងឆ្នាំ APEC ២០១៧ ដែលប្រព្រឹត្តទៅនៅទីក្រុងបុរាណ Hoi An។ បន្ទាប់ពីបញ្ចប់នូវព្រឹត្តិការណ៍ APEC ២០១៧ នានា នៅទីនេះនឹងប្រារព្ធសប្តាហ៍ជាន់ខ្ពស់ ដោយមានការចូលរួមរបស់ប្រមុខនៃបណ្តាខឿនសេដ្ឋកិច្ចផងដែរ។ លោក Nguyen Van Son អនុប្រធានគណៈកម្មាធិការប្រជាជន ទីក្រុង Hoi An ខេត្ត Quang Nam បានឲ្យដឹងថា៖
“ចំពោះរាល់ព្រឹត្តការណ៍នៃឆ្នាំ APEC នេះ ទីក្រុង Hoi An បានរួមជាមួយក្រសួងការបរទេស ក្រសួងវប្បធម៌កីឡានិងទេសចរណ៍ត្រៀមផែនការជាក់លាក់រួចរាល់ហើយ។ ចំពោះមុខ ត្រូវផ្តោតសំខាន់ទៅលើរាល់សកម្មភាពរបស់ Festival លើកទី៦ ដែលប្រព្រឹត្តទៅនាខែមិថុនាឆ្នាំ២០១៧។ បន្ទាប់មក យើងខ្ញុំនឹងប្រមូលផ្តុំរៀបចំឲ្យ APEC ហើយការងារបានបែងចែកជាក់ស្តែងពីថ្នាក់ខេត្តទៅដល់ថ្នាក់ទីក្រុងដែរ”៕
តាម VOV5 - វិទ្យុសំឡេងវៀតណាម