នឹកឡើងនៅថ្ងៃផ្តើមអាជីវកម្មដំបូង លោកផាមឡឿងហ្វា ជាប្រធានប្រឹក្សាអភិបាលក្រុមហ៊ុន CADI-SUN ឲ្យដឹងថា៖ “នៅឆ្នាំ១៩៨៤ យើងខ្ញុំជាក្រុមសហការធៀងឌិញ ផលិតគ្រឿងយន្តជាចម្បង។ ជួបប្រទះនឹងដំណាក់កាលវិបត្តិសេដ្ឋកិច្ច បណ្តាផលិតផលគ្រឿងយន្ត ម៉ាស៊ីនអគ្គិសនីក្នុងទីផ្សារចុះដុនដាប ក្រុមសហការធឿងឌិញប្រឈមមុខនឹងហានិភ័យរំលាយ។ ក្នុងការលំបាក យើងខ្ញុំបានសម្រេចចិត្តបង្វែទិសពាណិជ្ជកម្មទៅខាងវិស័យខ្សែកាប់អគ្គិសនីវិញ។ យើងខ្ញុំបានផ្តល់ក្តីសង្ឃឹមឲ្យក្រុមហ៊ុនដោយក្តីជឿជាក់ពីបុគ្គលិកដែលមានជំនាញខ្ពស់និងអស់ពីចិត្តបូជាកម្លាំងកាយជូនក្រុមហ៊ុន”។ CADI-SUN ជាពាក្យផ្សំពីពាក្យ CADI (កាប់អគ្គិសនី) និងពាក្យ SUN (ព្រះអាទិត្យ)។ ខ្សែកាប់អគ្គិសនីព្រះអាទិត្យ បង្ហាញគោលគំនិតឆ្ពោះទៅមុខនិងក្តីប្រាថ្នារបស់សហគ្រាស គឺបំណងនាំមកនូវពន្លឺ និងក្តីសប្បាយរីករាយជូនដល់រាល់គ្រួសារទាំងអស់។
ថ្ងៃផ្តើមអាជីកម្ម ជាមធ្យមក្រុមហ៊ុនCADI-SUN ផលិតបានរាប់រយដុំខ្សែភ្លើងក្នុងមួយថ្ងៃ (ដុំនីមួយៗមានប្រវែង២០០ម៉ែត្រ)។ ដោយសារម៉ូដស្អាតទើបអតិថិជនស្វែងរកច្រើនបង្គួរ។ រោងចក្រផលិតខ្សែកាប់អគ្គិសនីដែលមានជាតិមេដែក ចាប់តាំងពីធ្វើដោយដៃឈានដល់ភាពទំនើបដោយប្រើម៉ាស៊ីនទម្រង់ធំៗជាច្រើន។
នៅឆ្នាំ២០០០ ក្រុមហ៊ុន CADI-SUN បានបណ្តាក់ទុនកសាងរោងចក្រលេខ ១ ដែលមានផ្ទៃដីចំនួន៦.០៦២ម៉ែត្រការេ នៅខណ្ឌថាញស្វឹន (ហាណូយ) ដោយមានដើមទុនជាង៥០ពាន់លានដុង។ រោងចក្របានវិនិយោគឧបករណ៍សម្ភារៈផលិតខ្សែកាប់អគ្គិសនីទំនើប ព្រមគ្នាទៅតាមវិធានការបង្វែផ្ទេរបច្ចេកទេសរបស់ប្រទេសកូរ៉េខាងត្បូងនិងតៃវ៉ាន់។
 ជ្រុងមួយនៃរោងចក្រផលិតខ្សែកាប់អគ្គិសនីរបស់ក្រុមហ៊ុន CADI-SUN នៅខេត្តហាយយឿ។  ខ្សែសង្វាក់ផលិតតភ្ជាប់របស់ក្រុមហ៊ុន CADI-SUN។  ខ្សែសង្វាក់ត្រកួញខ្សែកាប់អគ្គិសនី។  ដំណាក់កាលរមូលខ្សែកាប់អគ្គិសនីតង់ស្យុងខ្ពស់ធ្វើជាដុំ។  បណ្តាអ្នកបច្ចេកទេសរបស់ក្រុមហ៊ុនអនុវត្តត្រួតពិនិត្យនូវដុំខ្សែស្ពាន់ក្នុងដំណាក់កាលទាញយក។  ការងារប្រចាំគឺអនុវត្តត្រួតពិនិត្យដើម្បីធានាទងស្ពាន់ស្របនឹងគ្នានិងមានទំហំត្រូវតាមតម្រូវការដែលដាក់ចេញ។  បងហ្វាងកុងថាយ ជាពលករម្នាក់ដែលមានថ្វីដៃខ្ពស់ខាងការបញ្ជាខ្សែសង្វាក់រុំសម្បកខ្សែភ្លើង។  ដំណាក់ការរុំខ្សែកាប់អគ្គិសនីនៅរោងចក្រផលិតខ្សែកាប់អគ្គិសនីរបស់ក្រុមហ៊ុន CADI-SUN។  ខ្សែកាប់អគ្គិសនីក្លាយជាផលិតផលបានរមូលជាដុំធំៗទៅតាមប្រភេទខ្សែ។  ពិនិត្យបទដ្ឋានខ្ចប់ខ្សែកាប់ដែលក្លាយជាផលិតផលសំរេច។  ត្រួតពិនិត្យគុណភាពខ្សែកាប់អគ្គិសនីនៅក្នុងបន្ទាប់ពិសោធន៍។  កក្តាទាំងអស់ដែលពាក់ព័ន្ធដល់គុណភាពសុទ្ធតែបានវិភាគនិងវាយតម្លៃយ៉ាងហ្មត់ចត់។  ប្រភេទផលិតផលខ្សែកាប់អគ្គិសនីទាំងអស់ ក្រោយពេលផលិតសុទ្ធតែបានយកគំរូ ដើម្បីពិនិត្យវាយតម្លៃគុណភាព។  រាល់ព័ត៌មានដែលពាក់ព័ន្ធដល់ផលិតកម្មនិងគុណភាពសុទ្ធតែបានរក្សាទុកយ៉ាងប្រុងប្រយ័ត្ននៅក្នុងប្រព័ន្ធកាំព្យូទ័ររបស់ក្រុមហ៊ុន។ |
នៅឆ្នាំ២០០២ វៀតណាមជម្រុញខ្លាំងនូវដំណើរការ “ឧស្សហូបនីយកម្ម ទំនើបនីយកម្ម” សំណងបណ្តាញអគ្គិសនីជាតិជាច្រើន បានវិនិយោគឲ្យកសាងដូចជា៖ ប្រព័ន្ធជញ្ជូនអគ្គិសនី 500kV, 220kV, 110kV បណ្តារោងម៉ាស៊ីនវារីអគ្គិសនី និងឧណ្ណវារី។ល។ ក្រុមហ៊ុន CADI-SUN ចាប់បានឱកាសនិងដំណើរការផែនការថាមពលជនបទ២(REII) ពីប្រភពដើមទុនអាទិភាពរបស់ធនាគារពិភពលោក។
|
ផលិតផលរបស់ក្រុមហ៊ុន CADI-SUN ជាកត់សម្គាល់ បានប្រើសប្រាស់ក្នុងសំណងធំៗជាច្រើនក្នុងប្រទេសដូចជា៖ វារីអគ្គិសនី សើនឡា ផែនការបំភ្លឺស្ពានបាយចាយ តំបន់ឧស្សហកម្មយុងក្វឹត ផែនការថាមពលជនបទ២វៀតណាម នៅតំបន់ភាគខាងជើង មជ្ឈមណ្ឌលសន្និសទីជាតិ។ល។ |
នៅខែតុលាឆ្នាំ២០០៣ ក្រុមហ៊ុនCADI-SUN បន្តវិនិយោគទុនជាង១០០ពាន់លានដុង ដើម្បីកសាងរោងចក្រលេខ២លើផ្ទៃដីចំនួន៤៦.០០០ម៉ែត្រការេ នៅឃុំកឹមឌៀន ស្រុកកឹមយ៉ាង ខេត្តហាយយឿង។ ក្រុមហ៊ុន CADI-SUN វិនិយោគជោគជ័យនូវបន្ទាប់ពិសោធន៍ទៅតាមស្តង់ដាអន្តរជាតិ ISO/IEC 17025 និងបើកទូលាយរោងចក្រផលិត បណ្តាក់ទុនបន្ថែមនូវឧបករណ៍សម្ភារៈម៉ាស៊ីន ដើម្បីលើកកម្ពស់គុណភាពផលិតកម្ម។
បន្ទាប់មក ក្រុមហ៊ុន CADI-SUN បានបើកទូលាយទម្រង់ពាណិជ្ជកម្មដោយបង្កើតសាខានិងឃ្លាំងទំនិញនៅទីក្រុងហូជីមិញ ហាយផុង ថាញហ្វា ដាណាំង តីង្វៀន។ ទន្ទឹមនោះ ក្រុមហ៊ុន CADI-SUN នាំចេញទីផ្សារនៅផលិតផលថ្មីៗដូចជា៖ ព្រីភ្លើងដែលមានច្រើនមុខងារ ខ្សែភ្លើងដែលមានជាតិមេដែក សម្រាប់ប្រើក្នុងផ្នែកដំឡើងអេឡិចត្រូនិក។ល។ ក្រុមហ៊ុន CADI-SUN បានបើកទូលាយការទំនាក់ទំនងសហការជាមួយសហគ្រាសអន្តរជាតិដូចជា៖ សម្ព័ន្ធក្រុមហ៊ុន Sam One, Cosmolink, Dongyang, Sang Jin។ល។ និងជោគជ័យក្នុងការចុះកិច្ចសន្យាសហការវិនិយោគទុន ផ្ទេរបច្ចេកទេស ដោយសម្ព័ន្ធក្រុមហ៊ុន Cosmolink (កូរ៉េខាងត្បូង)។
នៅឆ្នាំ២០០៨ ក្រុមហ៊ុន CADI-SUN បន្តការកសាងរោងចក្រផលិតខ្សែ និងខ្សែកាប់អគ្គិសនីតង់ស្យុងទាប តង់ស្យុងមធ្យម និងតង់ស្យុងខ្ពស់នៅខេត្តប៊ិញយឿង និងចុះកិច្ចសន្យាសហការវិនិយោគទុននិងផ្ទេរបច្ចេកទេសជាមួយសម្ព័ន្ធក្រុមហ៊ុន Dongyang (កូរ៉េខាងត្បូង) ដោយផលិតផលចម្បងគឺខ្សែភ្លើងដែលមានជាតិមេដែកគុណភាពខ្ពស់។
នៅឆ្នាំ២០១១ គូសបញ្ជាក់សកម្មភាព នាំចេញខ្លាំងក្លារបស់ក្រុមហ៊ុន CADI-SUN ដោយមានប្រាក់ចំណូលកើនឡើង១៣៩% បើប្រៀបនឹងឆ្នាំ២០១០។ ក្រុមហ៊ុនដាក់ឲ្យកសាងចង្កោមឧស្សហកម្មត្រឿងយឿង និងចង្កោមភូមិវិស័យឧស្សហកម្មមានទំហំជាង៣៥ហិកតា។ នៅឆ្នាំ២០១២ ក្រុមហ៊ុន CADI-SUN បានទទួលវិញ្ញាបនប័ត្រអន្ដរជាតិ RoHS និង VDE ហើយទទួលស្គាល់ជាផលិតផលសមស្របនឹងស្តង់ដាគុណភាពរបស់ទ្វីបអ៊ឺរុប។ នេះគឺជាបុព្វបទសំខាន់ជម្រុញ សកម្មភាពនាំចេញទៅបរទេស។ ក្រុមហ៊ុន CADI-SUN ក្លាយជាដៃគូប្រចាំរបស់ក្រុមហ៊ុន Vinadual ជាសម្ព័ន្ធក្រុមហ៊ុនធំរបស់កូរ៉េខាងត្បូង ជំនាញខាងផ្គត់ផ្គង់សម្ភារៈអគ្គិសនី អេឡិចត្រូនិកឲ្យបណ្តាពាណិជ្ជសញ្ញាធំៗនៅលើពិភពលោកដូចជា៖ Sam Sung, LG។
នៅតំបន់អាស៊ីអគ្នេយ៍ ក្រុមហ៊ុនCADI-SUN នាំចេញមុខទំនិញគ្រាប់ជ័រ PVC ខ្សែកាប់អគ្គិសនីឆ្លងទៅកាន់ប្រទេសម៉ាឡេស៊ី ឡាវ មីយ៉ានម៉ា។ ដោយម្ចាស់ការនៃសកម្មភាព នៅឆ្នាំ២០១៤ ចំនួនប្រាក់ចំណូលរបស់ក្រុមហ៊ុនកើនឡើង៣៧% បរិមាណផលលក់ដូរខ្សែកាប់អគ្គិសនីកើន២៩% ប្រាក់ចំណូលមធ្យមក្នុងពលករម្នាក់ៗកើនឡើង១៦% បើប្រៀបនឹងកាលពីឆ្នាំមុន។ នៅឆ្នាំ២០១៥នេះ ក្រុមហ៊ុន CADI-SUN ឆ្ពោះទៅកាន់គោលដៅកើនប្រាក់ចំណូលឡើង១៥% បើប្រៀបនឹងឆ្នាំ២០១៤ និងឆ្ពោះទៅរកការអភិវឌ្ឍន៍ទៅតាមទម្រង់រូបភាពសម្ព័ន្ធក្រុមហ៊ុនពហុប្រទេស អះអាងផលិតផលខ្សែកាប់អគ្គិសនីអន្តរជាតិ៕
|
ខ្សែកាប់អគ្គិសនីតង់ស្យុងខ្ពស់អត់សម្បកធ្វើពីអាលុយមីញ៉ូមរបស់ ក្រុមហ៊ុន CADI-SUN។
 ខ្សែកាប់អគ្គិសនីតង់ស្យុងខ្ពស់អត់សម្បកធ្វើដោយជាតិស្ពាន់របស់ក្រុមហ៊ុន CADI-SUN។  ប្រភេទផលិតផលខ្សែភ្លើងរុំដោយជ័រ PVC របស់ក្រុមហ៊ុន CADI-SUN សព្វថ្ងៃកំពុងពេញនិយមនៅលើទីផ្សារ។  ទីលានរក្សាផលិតផលខ្សែកាប់អគ្គិសនីតង់ស្យុងខ្ពស់របស់ក្រុមហ៊ុន CADI-SUN។  សកម្មភាពចែកចាយផលិតផលចេញទៅទីផ្សារនៅអគ្គឃ្លាំងរបស់ក្រុមហ៊ុម CADI-SUN។ |
អត្ថបទ៖ ប៊ិចវឹន រូបថត៖ ទ្រីញប៊ូ
