កូរ៉េខាងត្បូងនិងវៀតណាមនាំទំនាក់ទំនងដៃគូសហប្រតិបត្តិការយុទ្ធាសាស្ត្រអភិវឌ្ឍន៍ឡើងកំពស់ថ្មី (VNA)
នាព្រឹកថ្ងៃទី២០ ខែមិនា ឆ្នាំ២០១៧ នៅទីក្រុងហាណូយ ឧបនាយករដ្ឋមន្ត្រីរដ្ឋមន្ត្រីការបរទេសវៀតណាម លោក Phạm Bình Minh បានជួបចចរចា ជាមួយរដ្ឋមន្ត្រីការបរទេសកូរ៉េខាងត្បូង លោក Yoon Byeong Se ដែលកំពុងមានដំណើរទស្សនកិច្ចជាផ្លូវការនៅវៀតណាម។ ឧបនាយករដ្ឋមន្ត្រី Phạm Bình Minh បានអះអាងថា៖ វៀតណាមជានិច្ចកាលយកចិត្តទុកដាក់ដល់ការបង្កើនទំនាក់ទំនងជាមួយកូរ៉េខាងត្បូង ហើយមានគោលបំណងរួមជាមួយកូរ៉េខាងត្បូងបង្កើន ទំនុកទុកចិត្តនយោបាយដោយឥតឈប់ឈរ បើកទូលាយនិងលើកកំពស់ប្រសិទ្ធ ភាពនៃកិច្ចសហប្រតិបត្តិការ និងសហការជិតស្និទ្ធក្នុងបណ្ដាវេទិកាពហុភាគី។ ភាគីទាំងពីរបានឯកភាពសហការ ក្នុងបណ្ដាយន្តការពហុភាគីអន្តរជាតិ និងតំបន់ ដូចជា អ.ស.ប. APEC អាស៊ាន មេគង្គ-កូរ៉េខាងត្បូង ជំរុញដោះស្រាយការខ្វែង គំនិតក្នុងនោះមានជំលោះនៅសមុទ្រខាងកើត ដោយសន្តិវិធីសមស្របនឹងច្បាប់ អន្តរជាតិ។ រដ្ឋមន្ត្រីការបរទេសកូរ៉េខាងត្បូង លោក Yoon Byeong Se បានឯកភាពមតិ របស់ឧបនាយករដ្ឋមន្ត្រីនិងជារដ្ឋមន្ត្រីការបរទេសវៀតណាម លោក Phạm Bình Minh ហើយអះអាងថា៖ ក្រសួងការបរទេសកូរ៉េខាងត្បូងនឹងបន្តសហការជាមួយវៀតណាម ក្នុងការអនុវត្តកិច្ចព្រមព្រៀងជាន់ខ្ពស់ទ្វេភាគីប្រកប ដោយប្រសិទ្ធភាព៕
តាម VOV5 - វិទ្យុសំឡេងវៀតណាម
