“យើងខ្ញុំត្រូវរួមជាមួយគ្នារក្សាសន្តិភាពនៅសមុទ្រខាងកើត នេះគឺជាគោលការណ៍ ដើម្បីកសាងប្រទេសយើងក្លាយទៅជាប្រទេសមួយ ដែលមានប្រៀបខ្លាំងខាងសមុទ្រ សម្បូរ៍រុងរឿងដោយសមុទ្រ” នេះគឺជាការអំពាវនាវនិងការបញ្ជាក់យ៉ាងខ្លាំងក្លារបស់លោកនាយករដ្ឋមន្ត្រី ង្វៀនស្វឹនភូក បានលើកឡើងក្នុងសប្តាហ៍សមុទ្រនិងកោះវៀតណាមលើកទី ៨ នាពេលថ្មីៗនេះ។
ថ្លែងសន្ទរកាថក្នុងពិធីមីទិញថ្នាក់ជាតិ ”ជ្រោមជ្រែងសប្តាហ៍សមុទ្រនិងកោះវៀតណាមលើកទី ៨ ” នាឆ្នាំ២០១៦ និងពិធីរំលឹកខួបអនុស្សវរីយ៍ថ្ងៃមហាសមុទ្រពិភលោកបានរៀបចំនៅតំបន់ទេសចរណ៍សមុទ្រធីញឡុង (Thinh Long) ស្រុកហាយហៅ (Hai Hau) ខេត្តណាមឌីញ (Nam Dinh) នាថ្ងៃទី៨ ខែមិថុនាកន្លងទៅនេះ លោកនាយករដ្ឋមន្ត្រី ង្វៀនស្វឹនភូក បានសង្កត់ធ្ងន់ថា ក្នុងប្រវត្តិសាស្ត្រកសាងនិងការពារប្រទេសជាតិ រួមនឹងដីគោក កោះសមុទ្រ ដែលបានបង្កើតបរិស្ថានរស់នៅនិងអភិវឌ្ឍន៍ជាមួយជនជាតិវៀតណាមគ្រប់ៗ ជំនាន់ ហើយគឺជាផ្នែកមួយក្នុងអធិបតេយ្យភាពដ៏ស័ក្តិសិទ្ធរបស់មាតុភូមិ។
មោទនភាពនិងគោរពប្រវត្តិសាស្ត្រ យើងខ្ញុំត្រូវពង្រឹងកម្លាំងខ្លាំងក្លារបស់ជនរួមជាតិទាំងឡាយ ដើម្បីអភិវឌ្ឍន៍សេដ្ឋកិច្ចសមុទ្រ ការពារអធិបតេយ្យភាពកោះសមុទ្រដ៏ស័ក្តិសិទ្ធរបស់មាតុភូមិ ។
លោកនាយករដ្ឋមន្ត្រី ង្វៀនស្វឹនភូក អញ្ជើញចូលរួមក្នុងពិធីមីទិញជ្រោមជ្រែកសប្តាហ៍សមុទ្រនិងកោះវៀតណាមលើកទី ៨ និងពិធីរំលឹកខួបថ្ងៃមហាសមុទ្រពិភពលោកឆ្នាំ២០១៦។ រូបថត៖ ថុញញ៉ឹត
ស្ថានីយ៍ខួងបូមប្រេងដាយហ៊ុង២ (Dai Hung 2) នៅសមុទ្រខាងកើត។ រូបថត៖ហ័ងហា |
វៀតណាមគឺជាប្រទេសមួយស្ថិតនៅខាងលិចនៃសមុទ្រខាងកើត ដែលមានឆ្នេរសមុទ្រពីខាងជើងដល់ខាងត្បូងប្រវែងជាង ៣.២៦០ គីឡូម៉ែត្រ ឈរលំដាប់ ២៧ ក្នុងចំណោមប្រទេសនិងតំបន់ឆ្នេរសមុទ្រចំនួន ១៥៧។ បើសិនជាប្រៀបធៀបប្រវែងឆ្នេរសមុទ្រនឹងផ្ទៃដីគោកនៅប្រទេសវៀតណាមស្មើជិត ០,០១ (មានន័យថា ផ្ទៃដីគោក ១០០ គីឡូម៉ែត្រនឹងមានឆ្នេរសមុទ្រប្រវែង ១ គីឡូម៉ែត្រ) ជាប់ចំណាត់ថ្នាក់មួយក្នុងតំបន់ឥណ្ឌូចិន ឈរនៅលើប្រទេសថៃ និងជិតស្មើនឹងម៉ាឡេស៊ី។ ខេត្តក្រុង ២៨ ក្នុងចំណោម ៦៣ ទូទាំងប្រទេសជាប់ឆ្នេរសមុទ្រ ដែលមានបរិមាណប្រជាជនប្រហែល ១/២ នៃប្រជាជន ទូទាំងប្រទេស។
|
ដើម្បីពង្រឹងឱកាសយ៉ាងល្អបំផុត បង្កលក្ខណៈងាយស្រួល និងឆ្លងកាត់ការលំបាកនិងឧបសគ្គទាំងឡាយ លោកនាយករដ្ឋមន្ត្រីបានស្នើបណ្តាក្រសួង ផ្នែកនិងតំបន់នានា ដែលសាមគ្គីជាមួយគ្នា ដាច់ខាត ស្វាតស្វាញ តស៊ូក្នុងការពារអធិបតេយ្យកោះសមុទ្រនិងផលប្រយោជន៍ប្រទេសជាតិនៅសមុទ្រដោយសន្តិវិធីតាមការគោរពច្បាប់អន្តរជាតិ។
ទន្ទឹមនឹងនេះ ពង្រឹងយ៉ាងប្រសិទិ្ធភាពធនធានសមុទ្រក្នុងការអភិវឌ្ឍន៍សេដ្ឋកិច្ច - សង្គមកិច្ច។ គោលដៅនាបច្ចុប្បន្ននេះរហូតដល់ឆ្នាំ២០២០ គឺជាសេដ្ឋកិច្ចសមុទ្រនិងក្បែរសមុទ្ររួមចំណែកប្រហែលពី ៥៣% ដល់ ៥៥% ក្នុង GDP និង ស្មើ ៦០% នៃតំលៃពាណិជ្ជកម្មនាំចេញនៅទូទាំងប្រទេស។
លោកនាយករដ្ឋមន្ត្រីស្នើ បណ្តាក្រសួង ផ្នែកពាក់ព័ន្ធ ជម្រុញការងារស៊ើបអង្កេតជាមូលដ្ឋាន ស្រាវជ្រាវបច្ចេកវិទ្យាសមុទ្រនិងកោះ ដើម្បីកសាងយុទ្ធសាស្ត្រ ផែនការអភិវឌ្ឍន៍សេដ្ឋកិច្ចសមុទ្រនិងកោះប្រកបដោយចីរភាព ទន្ទឹមនឹងការពារអធិបតេយ្យភាព សន្តិសុខប្រទេសជាតិ... ប្រមូលនិងទាក់ទាញកម្លាំងសំដៅអភិវឌ្ឍន៍សេដ្ឋកិច្ចសមុទ្រ។
រដ្ឋាភិបាលក៏លើកទឹកចិត្តបណ្តាអង្គការ ឯកជន បង្កើនការវិនិយោគនិងអនុវត្តន៍បច្ចេកទេស បច្ចេកវិទ្យាជឿនលឿនក្នុងការរុករក ប្រើប្រាស់យ៉ាងប្រសិទ្ធិភាពធនធានធម្មជាតិ បរិស្ថានសមុទ្រនិងកោះ អនុវត្តន៍គោលនយោបាយ វិធានការជាក់ស្តែងនិងសមស្រប ដើម្បីធានាការរកស៊ី លើកកម្ពស់ជីវភាពរស់នៅរបស់ប្រជាជនរស់នៅតំបន់សមុទ្រនិងកោះ បង្កលក្ខណៈងាយស្រួលសំរាប់ប្រជាពលរដ្ឋផ្សារភ្ជាប់នឹងសមុទ្រ អភិវឌ្ឍន៍សេដ្ឋកិច្ចសមុទ្រនិងមានជីវភាពធូរធាពីសមុទ្រ។
បញ្ជាក់ការងារការពារបរិស្ថានសមុទ្រគឺជាភារៈកិច្ចពិសេស សំខាន់ អចិន្ត្រៃយ៍និងយូរអង្វែង។ លោកនាយករដ្ឋមន្ត្រីបញ្ជាក្រសួងធនធាននិងបរិស្ថានធ្វើជាអធិបតីភាព ហើយសហការជាមួយបណ្តាក្រសួង ផ្នែកពាក់ព័ន្ធនិងបណ្តាតំបន់ត្រូវត្រួតពិនិត្យឡើងវិញគម្រោងទាំងស្រុងលើទូទាំងប្រទេស ដែលបានបញ្ចូលទឹកសំណាល់ចេញទៅសមុទ្រ ធានាការអនុវត្តន៍យ៉ាងពេញលេញ ប្រសិទ្ធិភាព ត្រឹមត្រូវបណ្តាបទបញត្តិនៃច្បាប់ស្តីពីការការពារបរិស្ថាន ដាច់ខាត កាត់ទោសយ៉ាងត្រឹមត្រូវជនណា និងអង្គការណា ដែលមានអំពើបំពានច្បាប់។
លោកនាយករដ្ឋមន្ត្រីអះអាងថា វៀតណាមគាំទ្របណ្តាប្រទេស ដែលទទួលផលប្រយោជន៍ពីសមុទ្រខាងកើត មានសកម្មភាពជាក់ស្តែង ដើម្បីរួមចំណែកក្នុងការធានាសន្តិភាព ស្ថេរភាព សន្តិសុខ សុវត្ថិភាព សេរីភាពនៅផ្លូវសមុទ្រ អាកាសចរណ៍និងការពារបរិស្ថានសមុទ្រ។
វៀតណាមកំពុងវិនិយោគលើការកសាងកំពង់ផែត្រីនិងបណ្តាតំបន់ភ័ស្តុភារបំរើការនេសាទ ដើម្បីជម្រុញការអភិវឌ្ឍន៍មុខរបរទៅសមុទ្រ។ រូបថត៖ ហ៊ុយហ៊ុង
ក្រុមនេសាទជលផលនៅឆ្ងាយឆ្នេរសមុទ្រ នៅស្រុកក្វីញឹន ( Quy Nhon)ខេត្តប៊ិញឌិញ (Binh Dinh)។
រូបថត៖ វៀតអ៊ី
អភិវឌ្ឍន៍បណ្តាតំបន់ភ័ស្តុភារនេសាទ។ រូបថត៖ ត្រឹនហ៊ុង
ទំនើបនីយកម្មកងទ័ពជើងទឹក ដើម្បីការពារអធិបតេយ្យភាពកោះសមុទ្រនិងតំបន់ខ្ពង់រាបបាតសមុទ្ររបស់មាតុភូមិ។ រូបថត៖ ង្វៀនខាង |
វៀតណាមស្វិតស្វាញនិងបេ្តជ្ញាចិត្តស្នើភាគីពាក់ព័ន្ធដោះស្រាយការខ្វែងគំនិតនិងជម្លោះដោយសន្តិវិធី គោរពច្បាប់អន្តរជាតិ ជាពិសេសគឺអនុសញ្ញារបស់អង្គការសហប្រជាជាតិនូវច្បាប់សមុត្រឆ្នាំ១៩៨២ អនុវត្តន៍យ៉ាងពោរពេញនិងប្រសិទ្ធិភាពសេចក្តីប្រកាសអំពីការប្រព្រឹត្តរបស់ភាគីនានានៅសមុទ្រខាងកើត (DOC) គោរពការវិវឌ្ឍន៍ការទូតនិងច្បាប់ បង្កើនទំនុកទុកចិត្តទៅវិញទៅមក មិនប្រើប្រាស់កងកម្លាំងឬគំរាមកំហែងប្រើប្រាស់កងកម្លាំង រៀបចំការចរចារដើម្បីឆាប់រហ័សចុះហត្ថលេខាលើក្រមសិលធម៌របស់ភាគីនានានៅសមុទ្រខាងកើត (COC)។
“យើងខ្ញុំរួមជាមួយគ្នារក្សាសន្តិភាពនៅសមុទ្រខាងកើត នេះគឺជាគោលការណ៍ ដើម្បីកាសាងប្រទេស យើងក្លាយទៅជាប្រទេសមួយ ដែលមានប្រៀបខ្លាំងខាងសមុទ្រ សម្បូរ៍រុងរឿងដោយសមុទ្រ។ ប្រការនេះគឺបំណងប្រាថ្នារបស់ប្រជាជាតិយើងក្នុងរយៈពេលរាប់ម៉ឺនឆ្នាំ និងគឺជាការទទួលខុសត្រូវ កាតព្វកិច្ចសំខាន់ៗ ដែលបណ្តាជំនាន់មុន បណ្តាវិរៈបុរសហ័ងសា (Hoang Sa) ក្នុងអតីតកាល ប្រគល់បន្តឲ្យជំនាន់កូនចៅយើងខ្ញុំ នាសព្វថ្ងៃនេះក៏ដូចជាក្នុងអនាគត ” លោកនាយករដ្ឋមន្ត្រី បានលើកឡើងយ៉ាងច្បាស់លាស់./.
តាមអនុសញ្ញារបស់អង្គការប្រជាជាតិស្តីពីច្បាប់សមុទ្រឆ្នាំ១៩៨២ វៀតណាមមានផ្ទៃសមុទ្រប្រហែលជាង ១ លានគីឡូម៉ែត្រការេ ធំជាងបីដងបើសិនជាប្រៀបធៀបនឹងផ្ទៃដីគោក ស្មើជិត ៣០%នៃផ្ទៃសមុទ្រខាងកើត (ផ្ទៃសមុទ្រខាងកើតទាំងមូលជិត ៣,៥ លានគីឡូម៉ែត្រការេ)។ តំបន់សមុទ្រវៀតណាមមានកោះធំនិងកោះតូចចំនួនប្រហែល ៣.០០០ កោះ ប្រជុំកោះធំឆ្ងាយសមុទ្រចំនួនពីរគឺជាកោះហ័ងសា (Hoang Sa) និងកោះទ្រឿងសា (Truong Sa)
(តាមគេហទំព័រ biengioilanhtho.gov.vn và danang.gov.vn)
|
ទីភ្នាក់ងារសារព័ត៌មានវៀតណាម /កាសែតរូបភាពវៀតណាម