• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

Ziv Koren ជាមួយរូបថតផ្សារភ្ជាប់រវាងមនុស្សនិងពន្លឺ

រូបថតចំនួន៤៧សន្លឹកទើបបានអ្នកថតរូបជនជាតិអ៊ីស្រាអែល Ziv Koren  ឧទ្ទេស​នាម​នៅ​វៀត​ណាម​ គឺ​ជារឿង​រ៉ាវ​ពិសេសទាំង​៤៧។ នោះគឺ​ខ្សែភាព​យន្តឯក​សារ​ទិដ្ឋ​ភាព​ជាក់ស្តែង ដើម្បី​អ្នក​ទស្សនា​ពិសោធន៍​ជីវភាព​រស់​នៅ​របស់​មនុស្ស​នៅ​គ្រប់​ទិស​ទីលើ​ពិភព​លោក​។

បណ្តាស្នាដៃថតរូបដែល Ziv Koren  ឧទ្ទេសនាម​នៅវៀតណាមលើកនេះ គឺជា​សមិទ្ធិផល​អំឡុង​១០ឆ្នាំ ដែល​បង​ធ្វើដំណើរ​គ្រប់​ទិស​ទីគ្រប់​តំបន់​ដូចជា​៖ វាល​ខ្សាច់ Danakil (Ethiopia) ប្រទេស​ហៃទី ទីក្រុងMilano(អ៊ីតាលី) ពិធី​បុណ្យ​សាសនា​ហិណ្ឌូ (ឥណ្ឌា) កោះ Koh Samui​ (ថៃ) Yaroslav Oblast (រុស្ស៊ី)។​ល។


អ្នកថតរូបបកស្រាយបង្ហាញ ក្នុងពិធីរួមប្រាស្រ័យជាមួយសហគមន៍ថតរូបវៀតណាម។ល។ រូបថត៖ ទ្រីញប៊ូ

និងចែករំលែកបណ្តាកាលៈទេសៈដែលបងបានថតនៅគ្រប់ទីកន្លែងលើពិភពលោក។ រូបថត៖ទ្រីញប៊ូ

ភ្ញៀវទស្សនាតាំងពិពរ័ណ៍រូបថតក្បែរស្នាដៃរបស់ Ziv Koren។ រូបថត៖ ទ្រីញប៊ូ

រូបថតទាំង៤៧សន្លឹកក្រោមប្រធានបទ “ភាសានិងពន្លឺ” បានតាំងពិពរ័ណ៍នៅហាណូយ។ រូបថត៖ ទ្រីញប៊ូ

ក្នុងដំណើររបស់​ខ្លួន Koren តែងស្វែងទៅរកទីកន្លែងដែលមានមនុស្ស កំពុងឆ្លង​កាត់ភាព​ទ័លក្រ ការ​ភ័យ​ខ្លាច​ឬការ​ធ្វើបាប​។ ប៉ុន្តែ​បង​មិន​បាន​នាំ​យក​រូប​ថត​ជាក់​ស្តែង​ក្រៀម​ក្រំនោះ​ តែបងជ្រើសរើស​វិធីចូល​ទៅជិត ស្និទ្ធ​ស្នាល​ បង្កប់​ព័ត៌មានច្រើន​ជាង។ នោះគឺជារូបថត​ផ្សារ​ភ្ជាប់​មនុស្សនិង​ពន្លឺ។

ជ្រើស​រើសយក​ពីរពណ៌គឺពណ៌ខ្មៅនិងស Koren បានបង្ហាញ​ពីស្មារតី​លើក​ម្រង​រូប​ថត​និង​ធ្វើ​ឲ្យ​អ្នក​ទស្សនា​រំភើប​ចិត្ត។ នោះគឺរូបថតសាសនិក​ជន​កំពុងបន​ស្រន់បួង​សួង កែវ​ភ្នែកនៃ​ក្មេង​ម្នាក់ និង​យុទ្ធជន​ពេល​ប្រឈម​មុខ​នឹង​ក្តី​ស្លាប់ រូបថតលោក​យាយ Particia អាយុ៥៦ឆ្នាំ ចិញ្ចឹមក្មេង​កំព្រាទាំ​ង​៦នាក់​ដែល​មាន​ឪពុក​ម្តាយ​ស្លាប់​ដោយ​ជម្ងឺ AIDS ក្នុងនោះមាន​ក្មេងបីនាក់​ផ្ទុកមេរោគហ៊ីវ រូបថតនៅមណ្ឌល​រំលឹកជនរង​គ្រោះយូដា ត្រូវ​សម្លាប់​នៅ​ទី្វប​អឺរ៉ុប រូបថតក្មេង​តូច ផ្ទុកមេរោគ​ហ៊ីវនៅ​អាហ្រ្វីក​ខាង​ត្បូង ស្រី​ក្រមុំ​ជន​ជាតិ​ឥណ្ឌា​ពេល​ត្រាំ​ខ្លួន​ក្នុង​ទឹក​មន្ត​នៅ​ Sangam ។ល។

រូបថតមានលក្ខណៈស្នាកស្នាមផ្លូវចិត្ត និងទស្សនៈ​លោកីយ៍ នៃអ្នកថតរូបបាន​ឆ្លាក់ក្រោមភាពសម្បូរ​បែប​នៃពន្លឺ  ពន្លឺ​ព្រះអា​ទិត្យ ចុះអាប ស្បៃ​រាត្រី រស្មីចែង​ចាំងតាមចន្លោះពពក​ឬស្លឹក​ឈើ ពន្លឺ​ចង្កៀង​ផ្លូវ​ថ្នល ច្រក​ចូល​នៅ​ពេល​​យប់។ល។ ហើយពិសេស​ទៅទៀត រូបថត​​មនុស្ស​និង​របៀប​ពួក​គេ​ផ្សារ​ភ្ជាប់​​គ្នា​តាម​​រយៈ​ពន្លឺ​។

ក្នុងអំឡុង​ពេល២០ឆ្នាំសកម្មភាពក្នុងវិស័យថតរូប Koren ទទួលបានរង្វាន់ធំៗ​ជាច្រើនដូចជា៖ “រង្វាន់ Yann Geffroy ” បី​លើក​ទទួល​រង្វាន់ "Photo District News Award" ពីរលើក​ទទួល​រង្វាន់"International Color Award"។ល។ ស្នាដៃរូបថត​ទាំង​៤៧​សន្លឹក បាន Koren ឧទ្ទេសនាម​នៅវៀត​ណាម​លើក​នេះ គឺជា​ស្ពាន​មួយ​សម្តែង​ការ​រួមប្រាស្រ័យវប្បធម៌ រវាងប្រទេសទាំងពីរវៀតណាម​និងអ៊ីស្រា​អែល៕


ស្នាដៃមួយចំនួនរបស់អ្នកតថរូប Ziv Koren

រូបថតរំលឹក ពីរូបភាពនៃជនរងគ្រោះជនជាតិយូដាចំនួន ១,១លាននាក់ ត្រូវសម្លាប់ក្នុងសង្រ្គាមលោកលើកទី២ ក្នុងជំរុំប្រមូលផ្តុំ Auschwitz។

រូបថត “ប្រជាជន អ៊ីស្រាអែលចូលរួមពិធីបុណ្យបាចទឹកបានរៀបចំជារៀងរាល់ឆ្នាំនៅទីលាន Rabin។

រូបថត “កុមារជនជាតិអ៊ីស្រាអែល សម្លឹងមើលប្រដាប់លេងក្នុងតង់លក់ឥវ៉ាន នៅពិធីបុណ្យ Slat Abn Shaif នៃសហគមន៍យូដានៅប្រទេសលីប៊ី។

រូបថត “យុទ្ធជនសង្រ្គោះអគ្គិភ័យអ៊ីស្រាអែល ប្រឹងប្រែងពន្លត់ភ្លើង” ថតរូបនៅភាគខាងជើងអ៊ីស្រាអែល ខែកក្កដាឆ្នាំ២០០៦។ 

រូបថត “ព្រះសង្ឃរាប់រយអង្គនៅប្រទេសថៃ ចូលរួមពិធីបុណ្យបានប្រារព្ធឡើងជាប្រចាំនៅលើកោះ Koh Samui” ។

រូបថត ”ក្មេងឈ្មោះ Sthembek Siyaya អាយុប្រាំពីរឆ្នាំ ឪពុកម្តាយស្លាប់ចោលដោយមេរោគហ៊ីវ ក្មេងរស់នៅជាមួយលោកយាយ ហើយបានព្យាករណ៍ថាមាន ផ្ទុកមេរោគ AIDS ក្រោយពេលទើបសម្រាល”។

រូបថត “ក្នុងពិធីបុណ្យ Kumbh Mela  ស្រីក្រមុំឥណ្ឌាកំពុងជូតខ្លួនឲ្យស្ងួត ក្រោយពេលងួតទឹកមន្តនៅ Sangam ”។

រូបថត “នារីប្រជុំគ្នានៅម្តុំដីសម្រាប់ជនយូដា Falash Mura ” 

រូបថត “ពិធីសាសនាហិណ្ឌូ Puja គឺជាឱកាសអ្នកកាន់សាសនាហិណ្ឌូ បូជាគ្រឿងសក្ការថ្វាយជូនព្រះអាទិទេព ក្រោយមកបណ្តែតប្រទីប និងផ្កាលើដងទន្លេគង្គាពិសិដ្ឋ”

រូបថត “សាសនិកជនថ្វាយប្រគេនទៀនក្នុងពិធីបូជាព្រះអគ្គីដ៏ពិសិដ្ឋនៅទីសក្ការបូជាផ្នោរអាទិទេពក្នុងទីក្រុងបូរាណ Jerusalem ”

 រូបថត “មណ្ឌលរំលឹកជនរងគ្រោះយូដា ត្រូវសម្លាប់នៅទ្វីបអឺរ៉ុប ដោយមានផ្ទាំងប៉េតង់ចំនួន២៧១១ បានរៀបស្មើនៅលើផ្ទៃដីចោត”។

រូបថត “ក្នុងពិធី Kumb Mela  សាសនាហិណ្ឌូលាងបាបនៅ Sangam  ប្រជុំខ្សែទឹករបស់ទន្លេគង្គាពិសិដ្ឋ ទន្លេយ៉ាមូណានិងទន្លេសារាវត្តីដ៏ពិសិដ្ឋ”។

រូបថត “បណ្តាកុមារហៃទី នៅកណ្តាលគំនរបែកបាក់របស់ទីសក្ការបូជាត្រូវបំផាញខ្ទេច មួយឆ្នាំក្រោយពីរំជួលដីខ្លាំង”។

រូបថត “ក្មេងជនជាតិនៃកុលសម្ព័ន្ធ ការ៉ូ ដោយមុខមាត់លាបម្សៅសរស់នៅតាមដងទន្លេ អូម៉ូ នៅភាគខាងត្បូង Ethiopia”។

រូបថត “លោកយាយ Particia  អាយុ៥៦ឆ្នាំ ចិញ្ចឹមក្មេងកំព្រាទាំង៦នាក់ដែលមានឪពុកម្តាយស្លាប់ដោយជម្ងឺ AIDS  ក្មេងបីនាក់ក្នុងចំណោមក្មេងទាំងនោះមានផ្ទុកមេរោគហ៊ីវ”
 

Ziv Koren ជាអ្នកយកព័ត៌មានរបស់កាសែត Sygma  Gamma និង Polaris Images  (អ៊ីស្រាអែល)។ ស្នាដៃរបស់បងបានចុះផ្សាយលើទស្សនាវដ្តីល្បីឈ្មោះដូចជា៖ Time Magazine, Newsweek, The Sunday Times Magazine, Paris Match, Le Figaro Corriere Della Sera Magazine។ល។ រូបថតរបស់ Koren បានតាំងបង្ហាញក្នុងសារមន្ទីរ Metropolitan Tokyo(ជប៉ុន) សារមន្ទីររំលឹកនៅប្រទេសអេស្ប៉ាញ និងសារមន្ទីរសង្រ្គាមនៅ Croatia។

 
 

អត្ថបត៖ ប៊ិចវឹន   រូបថត៖ ទ្រីញប៊ូ


 

ភូមិជាង ៧០ ឆ្នាំប្រកបមុខរបរធ្វើទង់ជាតិ

ភូមិជាង ៧០ ឆ្នាំប្រកបមុខរបរធ្វើទង់ជាតិ

ប្រជាជន​វៀតណាម​មាន​ទម្លាប់ចង​ទង់​ជាតិ​នា​ឱកាស​បុណ្យ​ បុណ្យ​ចូល​ឆ្នាំ​ថ្មី តែ​ប្រហែលជា​មាន​​មនុស្សយ៉ាង​​តិច​ ដឹក​ស្គាល់​​ទីកន្លែង​ធ្វើ​ទង់​ក្រហម​​ផ្កាយ​លឿង​។ ស្ថិត​នៅ​ចម្ងាយ​ពី​មជ្ឈមណ្ឌល​រដ្ឋ​ធានី​ប្រហែល​៣០គីឡូម៉ែ​ត្រ​ ភូមិ​ទឺវឹន​ (Tu Van) ឃុំ​ឡេឡើយ​ (Le Loi) ស្រុក​ធឿង​ទិន​ (Thuong Tin) ក្រុង​ហាណូយ​ ជាទីកន្លែង​​មាន​ជាង​៧០​ឆ្នាំ​ប្រកប​មុខ​របរ​ប្រពៃណី​ធ្វើ​​ទង់ជាតិ​។​

Top