ដោយលក្ខណៈវិនិច្ឆ័យ “អ្វីទាំងអស់សុទ្ធតែដើម្បីការអភិវឌ្ឍន៍ នៃផ្នែកសិប្បកម្មវៀតណាម” ក្រោយប្រាំបីឆ្នាំបង្កើតឡើង VietCraft មានសមាជិកចំនួន២៨០គឺសហគ្រាស មូលដ្ឋាន អង្គការសកម្មភាពក្នុងវិស័យផលិតពាណិជ្ជកម្មទំនិញសិប្បកម្មលើទូទាំងប្រទេស។
ដោយតួនាទីជាស្ពានតភា្ជប់ ជួយលើកកម្ពស់រូបភាព នៃផ្នែកសិប្បកម្មវៀតណាម VietCraft បានដំណើរការបង្កើតវេបសាយព័ត៌មាន ស្តីពីទីផ្សារមានសក្តានុពល នៃទំនិញសិប្បកម្មវៀតណាម ដូចជា ជប៉ុន អឺរ៉ុប អាមេរិក អូស្រ្តាលី កាណាដា។ល។ ក្រៅពីនេះ VietCraft នៅកសាងបណ្ណាល័យឯកទេស ដោយមានសៀវភៅពីគ្រោះរាប់រយក្បាល និយាយអំពីបច្ចេកទេសផលិត នូវទំនិញសិប្បកម្មលើពិភពលោក ព័ត៌មានទីផ្សារ ទស្សនាវដ្តីឯកទេស។ល។ ជួយសហគ្រាសមានព័ត៌មានគ្រប់គ្រាន់ ដើម្បីនឹងកសាងយុទ្ធសាស្រ្តនាំចេញដោយឡែករបស់ខ្លួន។
 ផលិតផលប្រើប្រាស់តម្បាញដោយឫស្សីផ្តៅ របស់ក្រុមហ៊ុនង៉ុកយុង (ហាណាម) នៅ Hanoi Gift Show ២០១៥។  ភ្ញៀវបរទេសស្វែងយល់ព័ត៌មានពីផលិតផលសិប្បកម្មវៀតណាមនៅ Hanoi Gift Show ២០១៥។  Hanoi Gift Show បានរៀបចំជាប្រចាំ គឺជាព្រឹត្តិការណ៍មួយសម្រាប់ការផ្សព្វផ្សាយ ឧបត្ថម្ភនាំចេញនិងនាំចូលនូវទំនិញសិប្បកម្មរបស់វៀតណាម  ផលិតផលសេរ៉ាមិចរបស់វៀតណាមបាននិយមប្រើប្រាស់ច្រើននៅលើទីផ្សារ។  ផលិតផលតម្បាញឫស្សី ផ្តៅ របស់ក្រុមហ៊ុនតឹនអាន Handcraft Manufacture។  ប្រភេទផលិតផលមួយចំនួនសម្រាប់ក្នុងពិធីសែនព្រេនរបស់ភូមិរបរភូវិញ (ហាណូយ)។ 
ផលិតផលវ៉ាលី កាប៉ូបកាន់ដៃ ធុង តម្បាញដោយឫស្សីផ្តៅ។ |
|
តាមការវាយតម្លៃរបស់មជ្ឈដ្ឋានអ្នកជំនាញ ទីផ្សារទំនិញសិប្បកម្មទូទាំងពិភពលោក មានកម្លាំងប្រើប្រាស់ទំនិញចំនួន១០០ពាន់លានដុលា្លអាមេរិក ក្នុងនោះទីផ្សារសំខាន់គឺ អាមេរិក អាល្លីម៉ង់ បារាំង អង់គ្លេស អេស្ប៉ាញ ហូឡង់ ជប៉ុន ហុងកុង (ប្រទេសចិន) និងប្រទេសនៅអឺរ៉ុបខាងលិចមួយចំនួនទៀត។ ជាពិសេសប្រទេសអាមេរិកជាទីផ្សារធំបំផុត ដែលមានកម្រិតប្រើប្រាស់ចំនួន៦៧,៥ពាន់លានដុល្លាអាមេរិក បន្ទាប់មកគឺប្រទេសអឺរ៉ុបមានកម្រិតប្រើប្រាស់ចំនួន១៣ពាន់លានដុល្លាអាមេរិក។ |
ក្នុងប៉ុន្មានឆ្នាំកន្លងមក VietCraft បានដំណើរការពិនិត្យជាច្រើនលើក នូវស្ថានភាពវត្ថុធាតុដើមបម្រើឲ្យការផលិតទំនិញសិប្បកម្ម ជាពិសេសគឺផ្តៅ ឫស្សី ដីឥដ្ឋ ឈើ ថ្ម និងអំបោះ សម្រាប់វាយតម្លៃបរិមាណរក្សាទុកនិងគុណភាព ដើម្បីស្វែងរកការឧបត្ថម្ភរបស់រដ្ឋាភិបាលពីគោលនយោបាយ កម្មវិធី និងគម្រោងការជំនួយអន្តរជាតិ។
ក្នុងការងារផ្សព្វផ្សាយពាណិជ្ជសញ្ញាទំនិញសិប្បកម្មវៀតណាម VietCraft បានសហការជាមួយអង្គភាពចាត់តាំងទីផ្សារណាត់ដូចជា៖ ផ្សារណាត់វត្ថុអនុស្សាវរីយ៍ទំនិញសិប្បកម្មហាណូយឆ្នាំ២០១៤ (Hanoi Gift Show ២០១៤) ផ្សារណាត់ OVOP វៀតណាម ផ្សារណាត់អន្តរជាតិទំនិញសិប្បកម្ម គ្រឿងឈើ និងទំនិញសម្រាប់ធ្វើអំណោយជូន- LifeStyle វៀតណាមលើទី៥។ល។
ពីផ្សារណាត់មានទំនុកចិត្តនេះ លិខិតកក់ទំនិញពីចិន ជប៉ុន បង្វែមករកវៀតណាមយ៉ាងខ្លាំង បង្កើតបានឱកាសល្អសម្រាប់ផ្នែកសិប្បកម្មវៀតណាម សម្រេចគោលដៅ១,៦ពាន់លានដុល្លាអាមេរិក នៃតម្លៃនាំចេញនៅឆ្នាំ២០១៤។
ទន្ទឹមនោះ VietCraft បានដំណើរការជ្រើសរើសក្រុមសហគ្រាស ដែលមានប្រៀបខ្លាំងខាងការប្រជែង ដើម្បីប្រជ្រៀតចូលទីផ្សារធំមួយចំនួន ដូចជា ជប៉ុន អឺរ៉ុប អាមេរិក កាណាដា អូស្រ្តាលី។ល។
តាមលោកឡេបាង៉ុក លោកអគ្គលេខា VietCraft ឲ្យដឹងថា៖ សហគ្រាសវៀតណាម កំពុងប្រមូលផ្តុំទាញយកទីផ្សារថ្មី ក្នុងប្លុក BRICS រួមមាន ប្រេស៊ីល រុស្ស៊ី ឥណ្ឌា ចិន អាហ្វ្រិកខាងត្បូង។ ទាញយកទីផ្សារនេះ វៀតណាមនឹងងាយស្រួលខាងផ្នែកភូមិសាស្រ្ត ងាយស្រួលឲ្យការស្រាវជ្រាវទីផ្សារ ដឹកជញ្ជូនទំនិញ។ ក្នុងប្លុក BRICS បច្ចុប្បន្នមធ្យមជារៀងរាល់ឆ្នាំ វៀតណាមសម្រេចតម្លៃ នាំចេញជាង១០០លានដុល្លាអាមេរិក៕
ទំនិញសិប្បកម្មគំរូមួយចំនួនរបស់វៀតណាម         |
អត្ថបទ៖ ថាវវី រូបថត៖ ទ្រីញវ៉ាន់ប៉ូ
