07/04/2017 10:05 GMT+7 Email Print Like 0

សកម្មភាពក្នុងពិធីបុណ្យរំលឹកខួបបិតាជាតិស្តេច Hung ឆ្នាំរកានព្វស័ក២០១៧

នាព្រឹកថ្ងៃទី៦ ខែមេសា ឆ្នាំ២០១៧ (ថ្ងៃទី១០កើតខែមាឃ) ពិធីបុណ្យរំលឹកខួបបិតាស្តេច Hung ឆ្នាំរកានព្វស័ក២០១៧បានប្រារព្ធយ៉ាងឱឡារិកនៅវិមាន Kinh Thien លើកំពូលភ្នំដ៏ពិសិដ្ឋ Nghia Linh ចំណុះមណ្ឌលកេរិ៍្តដំណែលប្រវត្តិសាស្ត្រជាតិពិសេស វិហារ Hung នៅខេត្ត Phu Tho។ អញ្ជើញចូលរួមក្នុងពិធីបុណ្យនេះ ប្រធានរដ្ឋលោក Tran Dai Quang និងថ្នាក់ដឹកនាំបក្ស រដ្ឋ តំបន់ បានអុជធូបរំលឹកវិញ្ញាណក្ខ័ន្ធនិងរំលឹកគុណបំណាចកសាងប្រទេសជាតិរបស់បណ្តាស្តេច Hung។

រួមជាមួយបរិយាកាសពិធីបុណ្យរំលឹកខួបបិតាជាតិ ស្តេច Hung នៅខេត្ត Phu Tho នោះ តំបន់ជាច្រើនក្នុងទូទាំងប្រទេសក៏បានរៀបចំសកម្មភាពក្នុងបំណងសម្តែងស្មារតី “ផឹកទឹកនឹកដល់ប្រភពដើម”ផងដែរ។ នាថ្ងៃ ទី ៦ ខែមេសា ពិធីរំលឹកខួបបិតាជាតិស្តេច Hung ឆ្នាំ រកានព្វស័ក ២០១៧ បានប្រារពនៅទីក្រុងហូជីមិញ។ អញ្ជើញ​ចូលរួមពិធីមានវត្តមានអតីតនាយករដ្ឋមន្ត្រី លោក Nguyen Tan Dung និងអតីតអនុប្រធានរដ្ឋ លោកស្រី Truong My Hoa។ នៅខេត្ត Dak Lak ពីធី រំលឹកខួបបិតាជាតិស្តេច Hung បានប្រព្រឹត្តទៅនៅមណ្ឌលប្រវត្តិសាស្ត្រវប្បធម៌ សាលាភូមិLac Giao នៃទីក្រុង Buon Ma Thuot។​លោក Vi Van Tiep នៅទីក្រុង ​Buon Ma Thuot បានចែករំលែកថា៖

“ថ្ងៃនេះជាទិវារំលឹកខួបបិតាជាតិ ស្តេច Hung។ យើងខ្ញុំបានចូលរួមពិធីនេះសំដៅរំលឹកដល់ប្រភពដើមរបស់បុព្វបុរស។ ពិធីបុណ្យនេះគឺពិសិដ្ឋណាស់សម្រាប់យើង​ខ្ញុំក៏ដូចជាជនវៀតណាមគ្រប់រូប។ ក្រៅពីពិធី ដោយខេត្តរៀបចំនេះ យើងខ្ញុំក៏បានរៀបចំឲ្យបងប្អូនជនរួមជាតិជិតឆ្ងាយមកជួបជុំគ្រួសារ អុជធុបនឹកដល់ប្រភពដើម​របស់ខ្លួនផងដែរ”។


នេះ ប្រធានរដ្ឋលោក Tran Dai Quang និងថ្នាក់ដឹកនាំបក្ស រដ្ឋ តំបន់ បានអុជធូបរំលឹកវិញ្ញាណក្ខ័ន្ធ
និងរំលឹកគុណបំណាចកសាងប្រទេសជាតិរបស់បណ្តាស្តេច Hung
(រូបថតៈ (Việt Cường/VOV)

នៅខេត្ត Kon Tum ពិធីរំលឹកខួបបិតាជាតិ ស្តេច Hung បានរៀបចំនៅសាលាភូមិ Huong Khe ទីក្រុង Kon Tum។ ចូលរួមក្នុងពិធី លោក Le Viet Hung នៅទីក្រុង Kon Tum បានឲ្យដឹងថា៖“ប្រជាជន Tay Nguyen គ្រប់រូប តែងតែឆ្ពោះទៅទិវាបុណ្យរំលឹកខួបបិតាជាតិ Hung ដើម្បីរំលឹកឡើងវិញប្រពៃណីប្រវត្តិសាស្ត្ររបស់បណ្តាស្តេច Hung និងដើម្បីឲ្យប្រជាជនមានមោទនភាពថាខ្លួនជាពលរដ្ឋវៀតណាម កូនចៅរបស់បណ្តាស្តេច​ Hung​។​ ទស្សនទាននិងមនសិការរបស់ប្រជាជនគឺពិធីបុណ្យរំលឹកបិតាជាតិជាពិធីបុណ្យរបស់ជាតិ។​ តាមនោះ ប្រជាជនគ្រប់រូបសុទ្ធតែជួយជ្រោមជ្រែងពីធីបុណ្យនេះ”។       

ពិធីបុណ្យរំលឹកបិតាជាតិ ស្តេច Hung ជាសកម្មភាព​វប្បធម៌ព្រលឹងពិសេស
របស់វៀតណាមឆ្ពោះទៅបុព្វបុរសនិងប្រភពដើមរបស់ប្រទេសជាតិ​សំដៅសម្តែងការដឹងគុណ ដល់បណ្តាស្តេច Hung ដែលមានគុណូបការៈបង្កើតនិងកសាងប្រទេសជាតិ ព្រមទាំងបួងសួងសូមឲ្យប្រទេសជាតិសម្បូរធូធារប្រជាជនរស់នៅក្នុងភាពសុខសាន្ត​ត្រានផងដែរ៕

តាម VOV5-វិទ្យុសម្លេងវៀតណាម

 

បណ្តាអត្ថបទបានផ្សាយ