27/06/2017 10:11 GMT+7 Email Print Like 0

វៀតណាមពិគ្រោះយោបល់ជាមួយធនាគារពិភព​លោក​ដើម្បី​អភិវឌ្ឍន៍​ សេដ្ឋកិច្ច ​ពាណិជ្ជកម្ម​


វៀតណាមពិគ្រោះយោបល់ជាមួយធនាគារពិភពលោកដើម្បីអភិវឌ្ឍន៍​​ សេដ្ឋកិច្ច ពាណិជ្ជកម្ម 

នាព្រឹកថ្ងៃទី២៦ ខែមិថុនា នៅទីក្រុងហាណូយ ឧបនាយករដ្ឋមន្រ្តីវៀតណាម Vuong Dinh Hue បានជួប​ធ្វើការ​ជា​មួយ​​គណៈប្រតិភូធនាគារ​ពិភពលោក(WB)​ប្រចាំនៅវៀតណាម ដឹកនាំដោយលោកនាយកOusmane Dione ដើម្បី​ឲ្យ​អង្គការអន្តរជាតិនេះ ពិគ្រោះយោបល់សម្រាប់រដ្ឋាភិបាល ក្នុងការរៀបចំ​ផែនការគោល​នយោបាយ​ចំពោះ​វិស័យ​ចំនួន ៣ ៖ បង្កលក្ខណៈងាយ​ស្រួលសម្រាប់ពាណិជ្ជកម្ម Logistics និងយន្តការ​ច្រកចេញចូល​តែមួយ​។ តាម​អ្នកជំនាញការរបស់ WB ថា វៀតណាមគប្បីកសាងសសរទ្រូងចំនួន ៤ ក្នុងការអនុវត្តវិស័យទាំង ៣ ពោល​​ខាង​​លើដែល​​រួមមាន​៖ ក្របខណ្ឌច្បាប់ស្ដីពីការ​បង្កលក្ខណៈងាយ​​ស្រួលសម្រាប់​​ពាណិ​ជ្ជកម្ម លើក​កំពស់​ប្រសិទ្ធ​ភាព​ ​​នៃហេដ្ឋារចនាសម្ព័ន្ធ​ពាណិជ្ជកម្មនិងគុណភាព​តភ្ជាប់ កសាងផ្នែកសេវា Logistics ដែលមាន​លក្ខណៈ​​ប្រកួត​ប្រជែង និងបង្កើនការរួម​សហការអន្តរផ្នែក និងសហប្រតិបត្តិការ​​ជាមួយ​តំបន់​​ឯកជន​​។
 ​
វាយ​តម្លៃខ្ពស់ចំពោះរបាយការណ៍ និ​ងសំណើរបស់ WB នោះ  ឧបនាយករដ្ឋមន្រ្តីវៀតណាម លោក Vương Đình Huệ បានសង្កត់ធ្ងន់ថា នេះគឺជា​បណ្ដា​វិស័យ​អាទិភាព​របស់​រដ្ឋាភិបាល​វៀតណាម នាពេល​បច្ចុប្បន្ន​នេះដើម្បី​ឆ្ពោះទៅប​ណ្ដាបទដ្ឋាន​របស់តំបន់​ និងអន្តរជាតិ​កាត់បន្ថយ​ការ​ចំណាយ​សម្រាប់​សហគ្រាស។ លោក​បានឲ្យ​ដឹង​ថា​រដ្ឋាភិបាល​វៀតណាម​នឹងអំពាវ​នាវឲ្យ​ឯកជន​ចូលរួម​កិច្ច​សហប្រតិបត្តិ​ការ​តាម​រូម​សណ្ថាន​ដៃគូ​សាធារណៈ​និង​ឯកជន​(PPP)៕

តាម VOV5 -​ វិទ្យុសំឡេង​វៀតណាម​

បណ្តាអត្ថបទបានផ្សាយ