22/03/2017 10:54 GMT+7 Email Print Like 0

រស់រវើកគំនូររូបត្រីពណ៌មាស 3D

សិល្ប​គូរ​រូបត្រីពណ៌មាស 3D មាន​ប្រភព​ដើមពី​ប្រទេស​ជប៉ុន សិល្បករ Riusuke Fukahori បាន​​ស្រាវជ្រាវសិល្ប​នេះ​​​ក្នុងរយៈ ១២ ឆ្នាំ។ ​បន្ទាប់មកប្រភេទ​សិល្បៈនេះ​ត្រូវបាន​វិចិត្រករ ផាម​ង៉ុក​ដឿង (Pham Ngoc Duong) រស់នៅ​ខណ្ឌទី ​៧ ទីក្រុង​ហូជីមិញ​ (Ho Chi Minh) គូរនិង​ច្នៃប្រឌិត​តាម​របៀប​គូរ 3D ដូច្នេះ​នៅពេលមើល​ឃើញ​ យើង​ស្មានថា​ត្រីពិត​កំពុង​ហែល​​ក្នុង​អាងទឹក ដែល​ទាក់ទាញ​​​អ្នក​ទិញ​ជា​ច្រើន។

តាម​វិចិត្រករ ផាមង៉ុក​ដឿង (Pham Ngoc Duong) ការ​ប្រើប្រាស់​ពណ៌​និង​របៀប​គូរ​តាមជាន់ៗ​(ឬរបៀបគូរាង​សាជីជ្រុង) ដើម្បី​កកើត​​ត្រីពណ៌មាស​មាន​ជម្រៅ​ខាង​រូបរាងនិង​ពណ៌ វិចិត្រករ​ត្រូវ​​ប្រើប្រាស់វត្ថុមួយចំនួន​ដែលធ្វើ​ដូចជាអាង​ទឹក ហើយចាក់​ជ័រ Acrylic មួយ​ស្រទាប់។ បន្ទាប់ពី ២៤ ម៉ោង​ ស្រទាប់ជ័រ​ដំបូង​នឹងស្ងួត​និង​រឹង យើង​​ចាប់ផ្តើម​គូរ​ស្រទាប់ក្រោយៗ និងផ្នែក​និមួយៗ ទៀត​​នៃគំនូររូប​ត្រីពណ៌​មាស​​លើផ្ទៃមុខ​ស្រទាប់ជ័រនេះ។

​ចំពោះ​ស្រទាប់និមួយៗ វិចិត្រករ​ត្រូវចំណាយ ៥ ម៉ោង​ ដើម្បីឲ្យស្រទាប់នេះ​ស្ងួត​និងអាចបន្ត​ចាក់​ស្រទាប់ជ័រ​ទីពីរ បន្ទាប់ពី​​គូរផ្នែក​ផ្សេង​ៗ ទៀត។ តាម​ធម្មជាតិ វិចិត្រករ​ត្រូវ​គូរ​ពី​ ៤ ដល់ ៥ ស្រទាប់ទើបកកើត​រូបរាង​ត្រី។ ដូច្នេះ វិចិត្រករ​ត្រូវចំណាយ​ប្រហែល​មួយ​អាទិត្យ​ទើប​គូរ​​គំនូររូពត្រី​ពណ៌​មាស​មួយ​ផ្ទាំង​​​រួច។ វិចិត្រករ​ត្រូវហ្មត់ចត់​​ចំពោះ​​ស្នាម​គូរ​និមួយៗ ដើម្បីធានា​ភាព​ត្រឹម​ត្រូវ​​រវាង​ស្រទាប់និមួយៗ។ ដោយសារ​ភាពស្មុគស្មាញ​និង​ការ​ចំណាយពេលវេលា​ជាច្រើន ដើម្បី​សម្រេច​គំនូរ​មួយ​ផ្ទាំង ក្រៅពី​ការ​យល់ដឹង​នូវ​សិល្បៈ វិចិត្រករ​ត្រូវ​ព្យាយាម ហ្មត់​ចត់​​និង​ច្នៃប្រឌិត​និង​យកចិត្ត​ទុក​ដាក់ចំពោះ​ស្នាម​គូរមួយៗ ​សំដៅ​​ធានាភាពត្រឹម​ត្រូវ​រវាង​បណ្តាស្រទាប់។


វិចិត្រករ ផាមង៉ុកដឿង (Pham Ngoc Duong) ខ្មីឃ្មាត គូរគំនូសត្រីពណ៌មាស 3D។

វត្ថុមួយចំនួនដូចជា៖ ក្រឡោកដូង ប្រអប់ឈើ ចានធំ ត្រូវធ្វើដូចជាអាងទឹកចិញ្ជឹមត្រីពណ៌មាស 3D។

ជ័រដែលត្រូវនាំចូលពីបរទេស មានពណ៌ថ្លាដូចទឹក។

គូរគំនូរ  3D គឺរបៀបគូរតាមស្រទាប់និមួយៗ (ឬរបៀបគូរាងសាជីជ្រុង)។

វិចិត្រករត្រូវគូរពី ៤  ស្រទាប់ ដល់ ៥  ស្រទាប់ទើបកកើតរូបរាងត្រីមួយក្បាល។

វិចិត្រករ ផាមង៉ុកដឿង (Pham Ngoc Duong) កំពុងគូរគំនូរមួយផ្ទាំងនូវហ្វូងបង្គាមួយ។


វិចិត្រករ ផាម​ង៉ុក​ដឿង (Pham Ngoc Duong) ​បាន​គូរ​ដោយការលាប​ថ្នាំប្រេង​ក្នុងរយៈពេល​ច្រើន​ឆ្នាំហើយ ប៉ុន្តែនាពេល​ថ្មីៗនេះ លោក​បាន​ចាប់ផ្តើម​គូរ​​គំនូរ​​រូបត្រីពណ៌មាស 3D ។ ក្រៅបីបទពិសោធន៍នូវ​​របៀប​គូរ​ដោយ​ការ​លាប​ថ្នាំ​ប្រេង​ថ្មី​របស់​ខ្លួន ក្នុងនោះ​មាន​របៀប​គូរ​ដោយ​ការ​លាប​ថ្នាំប្រេង​នៅពេល​មុន​ បាន​ជួយ​លោក​មាន​គំ​និត​​ច្នៃប្រឌិត​ក្នុងការ​គូរ​​គំនូររូបត្រី​ពណ៌មាស 3D ។

​គំនូរ​រូបត្រីពណ៌មាស 3D ត្រូវ​មនុស្ស​ជា​ច្រើន​នាក់​ចូលចិត្ត​និង​ចាត់​ទុក​ដូចជា​គំនូរ​ហុងស៊ុយ។ ត្រីពណ៌មាសមាន​អត្ថន័យ​​ផ្តល់​ទ្រព្យសម្បត្តិ ភព្វ​សំណាង​ទៅ​ដល់​គ្រប់ផ្ទះ។ ហើយនៅពេល​គូរ​គំនូរ​សិល្បៈ 3D ត្រីពណ៌មាស​កាន់​តែ​ពិសេស​និង​រស់រវើក​ជាង។ ទោះ​បី​គយគន់ពី​ជ្រុង​ណា​ក៏ដោយ ទស្សនិកជា​អាច​មើលឃើញ​ត្រីពណ៌មាស​កំពុង​ប្រហែល​ដូចជា​ត្រីពិតដែល​បង្កើត​ការ​ចាប់ចិត្ត ភ្ញាក់ផ្អើល​សំរាប់​មនុស្ស​ជា​ច្រើននាក់។

ក្រៅពី​ការ​គូរ​ក្នុង​អាងទឹក វិចិត្រករ ផាម​ង៉ុក​ដឿង (Pham Ngoc Duong) ក៏បាន​គូរ​គំនូរ​បង្គា ក្តាម អណ្តើត ពស់​ ផ្ទុក​ក្នុង​ប្រអប់​ឈើ ត្រឡោក​ដួង ចានធំ បំពង់​ឫស្សី...​ពិតជាគួរឲ្យ​ស្រឡាញ់ ដែល​ទាក់ទាញ​​ភ្ញៀវបរទេស​ជា​ច្រើន​នាក់​ស្វែង​យល់​និង​ទិញ​ទុកជា​អនុស្សាវរីយ៍./.

ផ្ទាំងគំនូរមួយចំនួនគួររូបត្រីពណ៌មាសរបស់វិចិត្រករ ផាមង៉ុកដឿង (Pham Ngoc Duong) ៖

















 

អត្ថបទ៖ សើន​ងៀ រូបថត៖ ង្វៀន​ឡឹន 

បណ្តាអត្ថបទបានផ្សាយ