11/12/2016 12:02 GMT+7 Email Print Like 0

ប្រធានរដ្ឋសភាលោកស្រី Nguyen Thi Kim Ngan ទទួលជួបសន្ទនាអគ្គលេខាគណៈបក្សកុម្មុយនីស្តឥណ្ឌាម៉ាក្ស៍និយម



ប្រធានរដ្ឋសភាវៀតណាមលោកស្រី Nguyen Thi Kim Ngan អញ្ជើញទទួលជួបសន្ទនាជាមួយ
អគ្គលេខាគណៈបក្សកុម្មុយនីស្តឥណ្ឌាម៉ាក្ស៍និយម (CPI-M) លោក Sitaram Yechury

(រូបថត៖quochoi.vn)

បន្តដំណើរទស្សនកិច្ចជាផ្លូវការនៅឥណ្ឌា នារសៀលថ្ងៃទី៩ ខែធ្នូ ឆ្នាំ២០១៦ ប្រធានរដ្ឋសភាវៀតណាមលោកស្រី Nguyen Thi Kim Ngan បានអញ្ជើញទទួលជួបសន្ទនាជាមួយអគ្គលេខាគណៈបក្សកុម្មុយនីស្តឥណ្ឌាម៉ាក្ស៍និយម (CPI-M) លោក Sitaram Yechury។ ថ្លែងមតិនៅទីនេះ ប្រធានរដ្ឋសភាលោកស្រី Nguyen Thi Kim Ngan
បានសំដែងក្ដីសប្បាយរីករាយដោយឃើញថា នាពេលកន្លងទៅ បើទោះបីជាមានការលំបាកសាកល្បងជាច្រើនក្ដី គណៈបក្សកុម្មុយនីស្តឥណ្ឌាម៉ាក្ស៍និយមនៅមានឥទ្ធិពលនិងសម្លេងដ៏សំខាន់លើឆាកនយោបាយ ហើយ​នាំមុខក្នុងការតស៊ូរបស់គណៈបក្សឆ្វេងនិយមក្នុងការការពារសិទ្ធិនិងផលប្រយោជន៍របស់ជនក្រីក្រ ជន​ជាតិភាគតិច វណ្ណៈកម្មករនិងពលករឥណ្ឌា។ 

រីឯខ្លួនវិញ អគ្គលេខាគណៈបក្សកុម្មុយនីស្តឥណ្ឌាម៉ាក្ស៍និយមលោក Sitaram Yechury បានសំដែងជំនឿជាក់ថា ដំណើរទស្សនកិច្ចរបស់ប្រធានរដ្ឋសភានឹងរួមចំណែកជំរុញទំនាក់ទំនងដ៏ស្និទ្ធស្នាលរវាងប្រទេសទាំង​ពីរនិងបក្សទាំងពីរ។ លោក Sitaram Yechury អះអាងថា គណៈបក្សកុម្មុយនីស្តឥណ្ឌាម៉ាក្ស៍និយម ក៏ដូច
ជាគណៈបក្សផ្សេងៗទៀតរបស់ឥណ្ឌាជានិច្ចកាលគោរពនិងមានគោលបំណងសហប្រតិបតិ្តការជាមួយបក្សកុម្មុយនីស្តវៀតណាម៕

តាម VOV5-វិទ្យុសម្លេងវៀតណាម

បណ្តាអត្ថបទបានផ្សាយ