19/01/2017 10:05 GMT+7 Email Print Like 0

បង្កើនការផ្សព្វផ្សាយព័ត៌មានកិច្ចការបរទេសនិងសាងឋានៈរួបភាពរបស់ផ្នែកការទូតវៀតណាម

សន្និសីទទូទាំងប្រទេស សំដៅបូកសរុបការងារព័ត៌មាន​កិច្ចការ​បរទេស​ឆ្នាំ២០១៦ បានប្រព្រឹត្តទៅនាថ្ងៃទី១៨ ខែមករា ឆ្នាំ២០១៧​នៅ​ទីក្រុង​ហាណូយ ដែលទាក់ទាញ​ការចូលរួម​របស់តំណាង​ក្រសួងស្ថាប័ន​ទូទាំង​ប្រទេស​រួមទាំង​ស្ថាប័ន​សារព័ត៌មាន​មួយចំនួនទៀត។ អញ្ជើញថ្លែងមតិ​បើកសន្និសីទនេះ លោក Vo Van Phuong អនុប្រ​ធានគណៈកម្មាធិការ​ឃោសនា​អប់រំមជ្ឈឹម​បានឲ្យ​ដឹង​ថា៖​“​តាមរយៈ​កាណាល់​នយោបាយការទូត​ទ្វេភាគី និង​ពហុភាគី តំបន់ «និងអន្តរ​ជាតិ និងតាមរយៈសកម្មភាពរបស់ស្ថាប័នសារព័ត៌មាន យើងបានឆ្លុះបញ្ជាំង និងបំភ្លឺ​ឲ្យកាន់​តែច្បាស់លាស់នូវគោលជំហរមុនក៏ដូចជាក្រោយរបស់វៀតណាម គឺ ​ស្វិតស្វាញ​ក្នុងការតស៊ូ​ការពារ​អធិបតេយ្យ​ភាព និងបូរណភាពដែនដី រួមទាំង​ជម្រុញ កិច្ចសហប្រតិបត្តិការមិត្តភាព និងខ្នះ​ខ្នែង​សន្ទនា សំដៅ​ស្វែង​រក នូវដំ​ណោះស្រាយ​ជាសារវ័នសម្រាប់បញ្ហាសមុទ្រខាងកើត និងរក្សាសាមគ្គីភាព​ក្នុងអាស៊ាន”។
 

 
ទិដ្ឋភាពនៃសន្និសីទ

ស្តីពីភារកិច្ចក្នុងឆ្នាំ២០១៧ តំណាងជាច្រើនបានសង្កត់ធ្ងន់ថា គប្បីជម្រុញ​ខ្លាំងការ​ផ្សព្វផ្សាយ អំពីទស្សនៈនិង​គោលជំហ​ររបស់វៀតណាមក្នុងការ ដោះ​ស្រាយ​បញ្ហានៅ​សមុទ្រខាង​កើតដោយ​សន្តិវិធី ឈរលើមូលដ្ឋាន​នៃច្បាប់​អន្តរ​ជាតិ។ បញ្ចប់សន្និសីទ គណៈកម្មាធិការឃោសនា អប់រំមជ្ឈឹមបានជូនប័ណ្ណសរសើ​រ​​សម្រាប់​សមូហភាព​ចំនួន២៧ និងបុគ្គលចំនួន៩នាក់ដែលមានស្នាដៃឆ្នើម ក្នុងការ​ផ្សព្វផ្សាយព័ត៌មានកិច្ចការបរទេស។ ក្នុងនោះ កាណាល់​​ផ្សាយ​ជាភាសាបរទេស​នៃវិទ្យុ សម្លេង​វៀតណាម ក៏ទទួល​បាន​ប័ណ្ណសរសើ ដោយមាន​ស្នាដៃ​ឆ្នើម​ក្នុង​ការ​ងារផ្សព្វ​​ផ្សាយព័ត៌​មាន​កិច្ច​ការបរទេសក្នុង ឆ្នាំ២០១៦ផងដែរ៕
 

តាម​ VOV5 - វិទ្យុសំឡេង​វៀតណាម​
 

បណ្តាអត្ថបទបានផ្សាយ